ಕುಡ್ಲ ಕುಕ್ಕರ್ ಬಾಂಬ್ ಸ್ಫೋಟದ ಮಾಸ್ಟರ್ ಮೈಂಡ್ ಅರಾಫತ್ ಅಲಿ ಕೈದ್

Last updated on September 15th, 2023 at 07:23 pm

ಶಿವಮೊಗ್ಗ ಮೂಲೊದ ಭಯೋತ್ಪಾದಕ ಈಡ್‌ಕಾರೆ ಅರಾಫತ್ ಅಲಿ ಪನ್ಪಿನಾಯನ್ ರಾಷ್ಟ್ರೀಯ ತನಿಖಾ ತಂಡ (ಎನ್ಐಎ) ಪೊಲೀಸೆರ್ ದೆಹಲಿದ ಅಂತಾರಾಷ್ಟ್ರೀಯ ವಿಮಾನ ಉಂತಡೆಟ್ ಕೈದ್ ಮಲ್ದೆರ್. ಕರ್ನಾಟಕದ ತೀರ್ಥಹಳ್ಳಿ ಮೂಲದ ಅರಾಫತ್ ಅಲಿ 2020ರ್ದ್ ಬೊಕ್ಕ ದೆಂಗ್ ತಪ್ಪಾದಿತ್ತೆ.

ನೈರೋಬಿಯಾರ್ದ್ ದೆಹಲಿಗ್ ಪಿರ ಬರೊಂದಿಪ್ಪುನಗ ಎನ್ಐಎ ಬಲೆಕ್ ಬೂರ್ದೆ. ಇಂಬೆ ನಿಡ್ಪೊಡು ಒಲ್ಪಲಾ ಉಗ್ರ ಚಟುವಟಿಕೆಡ್ ಗೋಡಿದಿತ್ತಿಜೆಡಲಾ, ಕುಡ್ಲದ ಕುಕ್ಕರ್ ಬಾಂಬ್ ಸ್ಪೋಟದ , ಶಿವಮೊಗ್ಗ ಭಯೋತ್ಪಾದನೆ ಸಂಚು ಪ್ರಕರಣಡ್ ಪ್ರಮುಖ ಆರೋಪಿಯಾದಿತ್ತೆ. ಅವ್ ಅತ್ತಂದೆ ಕುಡ್ಲದ ಕದ್ರಿ ಮಂಜುನಾಥ ದೇವಲ್ಯದ ಕೈತಲ್ ಸ್ಪೋಟ ಮಲ್ಪರೆ ಕುಕ್ಕರ್ ಬಾಂಬ್ ಪತೊಂದು ಪೋದಿತ್ತಿನ ಮೊಹಮ್ಮದ್ ಶಾರೀಖ್ ಒಟ್ಟುಗ್ಲಾ ಸಂಪರ್ಕೊಡು ಇತ್ತೆ ಪನ್ದ್ ಎನ್ ಐಎ ತೆರಿಪಾದ್ಂಡ್.

2020ಡ್ ಕರ್ನಾಟಕದ ಮೋಸ್ಟ್ ವಾಂಟೆಡ್ ಉಗ್ರ ಅಬ್ದುಲ್ ಮತೀನ್ ಒಟ್ಟುಗು ಅರಾಫತ್ ಅಲಿ ದೇಶ ಬುಡ್ದ್ ಪೋದಿತ್ತೆ.