Last updated on September 5th, 2023 at 05:22 pm
ರಾಷ್ಟ್ರಮಟ್ಟೊದ ಬಾಕ್ಸಿಂಗ್ ಪಟು ಒರಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಒಡಿಪು ಜಿಲ್ಲೆದ ಮಲ್ಪೆ ಮುಟ್ಟದ ಶಾಂತಿನಗರೊಡು ನಡತ್‌ದ್ಂಡ್. ಆತ್ಮಹತ್ಯೆ ಮಲ್ತೊಂದಿನ ಜವನೆ ಶಾಂತಿನಗರ ನಿವಾಸಿ 24 ವರ್ಸ ಪ್ರಾಯೊದ ವಿರಾಜ್ ಮೆಂಡನ್ ಪಂದ್ ತೆರಿದ್‌ಬೈದ್ಂಡ್.
ಮಲ್ಪೆ ಬಂದರ್‌ಡ್ ಮೀನ್ಗಾರಿಕೆದ ಬೇಲೆ ಮಲ್ತೊಂದಿತ್ತಿನ ಮೇರ್, ಬಾಕ್ಸಿಂಗ್ ಕ್ಷೇತ್ರೊಡು ಬಂಗಾರ್, ಬೊಲ್ಲಿ ಗೆಂದ್‌ದ್, ಊರ್‌ಗ್ ಪುದರ್ ಕನತ್‌ದ್ ಎಡ್ಡೆ ಕ್ರೀಡಾಪಟು ಪನ್ಪಿ ಪುದರ್‌ಲಾ ಗೆತೊಂದಿತ್ತೆರ್. ಇನಿ ಶಾಂತಿನಗರೊಡುಪ್ಪುನ ಇಲ್ಲದ ಅದೆಟ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್. ಆತ್ಮಹತ್ಯೆಗ್ ನೆವನ ದಾದ ಪಂದ್ ತೆರಿದ್‌ಬೈದಿಜಿ.
ರಾಷ್ಟ್ರ ಬೊಕ್ಕ ರಾಜ್ಯ ಮಟ್ಟೊಡು ಒಟ್ಟು 21 ಪದಕೊಲೆನ್ ವಿರಾಜ್ ಗೆಂದ್‌ದೆರ್. ಅವೆಟ್ 14 ಬಂಗಾರ್‌ದ ಪದಕೊಲು ಪನ್ಪಿನವು ವಿಶೇಷ.