Last updated on September 14th, 2023 at 05:16 pm
ಕೇರಳಡ್ ನಿಫಾ ವೈರಸ್‌ರ್ದ್ ರಡ್ಡ್ ಜನ ತೀರಿಯೆರ್. ಅಂಚೆನೆ ಇತ್ತೆ ಆರೋಗ್ಯ ಕಾರ್ಯಕರ್ತೆರ್ ಒಂಜಿ ಜನಕ್ ನಿಫಾ ಪಾಸಿಟಿವ್ ಬತ್ತ್ ಸೋಂಕಿತೆರೆನ ಅಂಕೆ 5 ಆತ್ಂಡ್.
ಕೇರಳದ ಕೋಯಿಕೋಡ್ ಜಿಲ್ಲೆಡ್ ನಿಫಾ ವೈರಸ್ ಸೋಂಕು ಪರಡ್‌ದ್ ರಡ್ಡ್ ಜನಕ್ ಜೋರು ಜ್ವರ ಬತ್ತ್ ತೀರಿಯೆರ್. ಕೋಯಿಕೋಡ್ ಜಿಲ್ಲೆನ್ ಹೈ ಅಲರ್ಟ್ ಪನ್ದ್ ಘೋಷಣೆ ಮಲ್ದೆರ್, ಕೇರಳ ಸರಕಾರ ಶಾಲೆ ಕಾಲೇಜ್‌ಲೆಗ್ ರಜೆ ಕೊರ್ತೆರ್.
ನಿಫಾ ವೈರಸ್ ಸೋಂಕಿತೆರ್ ತೀರುನ ಪ್ರಮಾಣ ಜಾಸ್ತಿ ಉಂಡು. ಇತ್ತೆ 5706 ಜನ ಸೋಂಕಿತೆರೆನ ಸಂಪರ್ಕೊಡು ಇತ್ತೆರ್ ಉಂಡು ತೆರಿದ್ ಬೈದ್ಂಡ್. ಕೋಯಿಕ್ಕೋಡ್‌ದ ಖಾಸಗಿ ಆಸ್ಪತ್ರೆದ 24 ವರ್ಸದ ಕಾರ್ಯಕರ್ತೆ ಒರಿಯಗ್ ಸೋಂಕು ದೃಢ ಆಂಡ್. ಕೇರಳೊಡು 7 ಗ್ರಾಮೊಲೆನ್ ಕಂಟೈನ್‌ಮೆಂಟ್ ವಲಯ ಪನ್ದ್ ಗುರ್ತ ಮಲ್ದೆರ್. ನಿಫಾ ವೈರಸ್ ತಡೆಪರೆ ಸರಕಾರ ಕಟ್ಟ್ ನಿಟ್ಟ್‌ಡ್ ಕ್ರಮ ದೆತೊನ್ದುಂಡು, ಇದಮುಟ್ಟ ಲಾಕ್‌ಡೌನ್ ಮಲ್ಪುನ ಪರಿಸ್ಥಿತಿ ಬೈಜಿ. ಆಂಡ ಪರಿಸ್ಥಿತಿ ನನಲಾತ್ ಕೈ ತತ್ತ್ ಪೋಂಡ ಲಾಕ್‌ಡೌನ್ ಮಲ್ಪುನಲಾ ಪೊರ್ತು ಬರು.