ಕೊಡಗುದ ಭಾಗಮಂಡಲದ ತ್ರಿವೇಣಿ ಸಂಗಮ ಕಾಲಿ! ಪಿಂಡ ಬುಡ್ರೆಲಾ ನೀರಿಜ್ಜಿ

Last updated on September 25th, 2023 at 09:21 am

ಈ ಸಲ ಬರದ ಬೆಚ್ಚ ಎಂಚ ಉಂಡು ಪನ್ಡ ದುಂಬು ಪೂರಾ ಆಜಿ ತಿಂಗೊಲು ಬುಡಂದೆ ಬರ್ಸ ಬರೊಂದಿತ್ತಿನ ಕೊಡಗುಡು ಈ ಸಲ ಒಂಟತೆ ದಿನ ಮಾತ್ರ ಬರ್ಸ ಬೈದ್ಂಡ್. ಜುಲೈದ ಅಕೇರಿಗ್ ಬೊಕ್ಕ ಆಗಸ್ಟ್ ದ ಅಕೇರಿಗ್ ಒಂತೆ ಬರ್ಸ ಬೈದ್ಂಡ್ ಅತ್ತಂದೆ ಬೇತೆ ದಿನೊಕುಲೆಡ್ ಸಮಗಟ್ಟ್ ಬರ್ಸನೇ ಬೈಜಿ. ಉಂದೆರ್ದಾತ್ರ ಕಾವೇರಿದ ತ್ರಿವೇಣಿ ಸಂಗಮೊಡೇ ನೀರ್ ದಾಂತಿಲೆಕ್ಕ ಆತ್ಂಡ್.

ಅಕ್ಟೋಬರ್ ಡ್ ತೀರ್ಥೋದ್ಭವ ಉಂಡು, ಈ ಪೊರ್ತುಡು ತೀರ್ಥ ಮೀದ್, ಪಿಂಡ ಬುಡುಂಡ ಸೈತಿನಕಲೆಗ್ ಮೋಕ್ಷ ತಿಕ್ಕುಂಡು ಪನ್ಪಿ ನಂಬೊಲಿಗೆ ಉಂಡು. ಆಂಡ ಅಂಚ ಮಲ್ಪರೆ ತ್ರಿವೇಣಿ ಸಂಗಮೊಡು ಒರ ಮುರ್ಕುದು ಲಕ್ಕೊಡು. ಆಂಡ ತ್ರಿವೇಣಿ ಸಂಗಮೊಡು ನೀರ್ ಕಾಲಿ ಆತಿಲೆಕ್ಕ ಆದ್ ಅಲ್ಪ ಮುರ್ಕುದು ಲಕ್ಕರೆ ಆವಂದಿಲೆಕ್ಕ ಆತ್ಂಡ್.

ಉಂದೆನ್ ತೂನಗ ಕಾವೇರು ಪುಟೇಟುನ ಜಿಲ್ಲೆ ಕೊಡವುಗೇ ಈ ಸಲ ನೀರ್ ದಾಂತಿಲೆಕ್ಕ ಆಪಿಲೆಕ್ಕ ಉಂಡು.