Last updated on September 13th, 2023 at 06:10 pm
ಬರಿತ ರಾಜ್ಯ ಕೇರಳಡ್ ನಿಫಾ ವೈರಸ್ ಜೋರುಡೇ ಅರಬಯಿ ಕೊರೊಂದಿಪ್ಪುನಗ ನಮ್ಮ ಕುಡ್ಲ ಜಿಲ್ಲೆದ ಆಡಳಿತದಕುಲುಲಾ ಬಾರೀ ಎಚ್ಚರ್ಗೆ ಮಲ್ತೊಂದುಲ್ಲೆರ್. ಕೇರಳರ್ದ್ ಬರ್ಪಿನ ಗೂಡ್ಸ್ ಲೆನ ಪರೀಕ್ಷೆ ಮಲ್ಪರೆ ಗಡಿತಲ್ಪ ಚೆಕ್ ಪೋಸ್ಟ್ ಸುರು ಮಲ್ಪರೆ ಜಿಲ್ಲಾಡಳಿತದಕುಲು ಪೋಲೀಸೆರೆಗ್ ತೆರಿಪಾದೆರ್.
ಜ್ವರ ಪನ್ದ್ ಅಡ್ಮಿಟ್ ಆಪಿನಕಲೆನ್ ನಿಗೊಟು ದೀವೊನರೆ ಮೆಡಿಕಲ್ ಕಾಲೇಜ್ ಬೊಕ್ಕ ಆಸ್ಪತ್ರೆದಕಲೆಗ್ ನಿರ್ದೇಶನ ಕೊರ್ತೆರ್. ವೆಂಟಿಲೇಟರ್ ಬೊಕ್ಕ ಎಮರ್ಜೆನ್ಸಿ ಬೆಡ್‌ಲೆನ್ ತುರ್ತೊಡು ದೀವರೆ ಪನ್ತೆರ್.
ಕೇರಳಡ್ ನಿಫಾ ವೈರಸ್‌ರ್ದ್ ರಡ್ಡ್ ಜನ ತೀರಿಯೆರ್ ಅಂಚೆನೆ ನಾಲ್ ಜನಕ್ ಉಂದು ಕುಡ ಪಗರ್‌ದಿನ ಸಂಶಯ ಉಂಡು. ಮೊಕಲೆನ ಸ್ಯಾಂಪಲ್‌ನ್ ಟೆಸ್ಟ್‌ಗ್ ಕಡಪುಡ್ದೆರ್.