Last updated on September 12th, 2023 at 10:17 am
ಬರ್ಸೊದ ನಡುಟು ರಡ್ಡ್ ದಿನ ನಡತಿನ ಭಾರತ-ಪಾಕಿಸ್ತಾನ ಏಕದಿನ ಗೊಬ್ಬುಡು ಭಾರತ ಪಾಕಿಸ್ತಾನೊನು ಇದಮುಟ್ಟುದ ಮಲ್ಲ 228 ರನ್ ಅಂತರೊಡು ಸೋಪಾದ್ ಸೂಪರ್-4 ಸ್ಟೇಜ್‌ ಟೇಬಲ್‌ಡ್ ಕಡೀರ ತಾನೊಡು ಉಂತ್‌ದ್ಂಡು.
ಸಂಘಟಿತವಾದ್ ಗೊಬ್ಬಿನ ಭಾರತೊದ ಈ ಗೆಲ್ಮೆಡ್ ವಿರಾಟ್ ಕೊಹ್ಲಿ, ಕೆ ಎಲ್ ರಾಹುಲ್, ಕುಲ್‌ದೀಪ್ ಯಾದವ್ ಬೊಕ್ಕ ಜಸ್ಪ್ರೀತ್ ಬೂಮ್ರಾ ಮೊಕ್ಲೆನ ಮಲ್ಲ ಪಾಲ್ ಇತ್ತ್ಂಡ್. ಅವೇತೋ ದಾಖಲೆಲು ಪೊಡಿಪೊಡಿ ಆಯಿನ ಕೋಡೆದ ಗೊಬ್ಬುಡು ವಿರಾಟ್ ಕೊಹ್ಲಿನ 11 ದಾಖಲೆಲೆನ್ ತೂಕ.
1. ಬೇಗೊಡು ಮಲ್ತಿನ 13,000 ರನ್
ಕಾಲಿ 267 ಇನ್ನಿಂಗ್ಸ್‌ಡ್ 13,000 ರನ್ ಒಟ್ಟು ಮಲ್ತಿನ ಕೊಹ್ಲಿ ಕ್ರಿಕೆಟ್ ಗೊಬ್ಬುದ ಮಲ್ಲ ಮಲ್ಲ ಪುದರ್‌ಲಾಯಿನ ಸಚಿನ್ ತೆಂಡೂಲ್ಕರ್, ರಿಕಿ ಪಾಂಟಿಂಗ್, ಕುಮಾರ್ ಸಂಗಕ್ಕರ ಬೊಕ್ಕ ಸನತ್ ಜಯಸೂರ್ಯ ಮೊಕಲೆನ್ ಪಿರವು ಪಾಡ್ದೆರ್.
2. ಬೇತೆ ಬೇತೆ ಬೆರಿಬೆರಿ ಗ್ರೌಂಡ್‌ಲೆಡ್ ಶತಕ
ರಡ್ಡ್ ಸ್ಟೇಡಿಯಂಲೆಡ್ ಬೆರಿ ಬೆರಿ ನಾಲ್ ಶತಕ ಮಲ್ತ್‌ದ್ ತಾನ್ ವಾ ಜಾಗೆಡ್ಲಾ ಗೊಬ್ಬುವೆ ಪಂದ್ ತೋಜಾದ್ ಕೊರ್ತೆರ್. ಕೊಹ್ಲಿ ಆರ್ ಪ್ರೇಮದಾಸ ಸ್ಟೇಡಿಯಂ ಬೊಕ್ಕ ಶೆರೆ ಬಾಂಗ್ಲಾ ಸ್ಟೇಡಿಯಂಡ್ ನಾಲ್ ನಾಲ್ ಶತಕ ಆಕ್‌ದೆರ್.
3. ಒಂಜಿ ಸ್ಟೇಡಿಯಂಡ್ ಬೆರಿ ಬೆರಿ ನಾಲ್ ಸೆಂಚುರಿ
ಕೊಹ್ಲಿ ಕೊಲಂಬೊದ ಆರ್ ಪ್ರೇಮದಾಸ ಸ್ಟೇಡಿಯಂಡ್ ಬೆರಿ ಬೆರಿ ನಾಲ್ ಸೆಂಚುರಿ ಮಲ್ತ್‌ದ್ ಹಶೀಂ ಆಮ್ಲಾನ ದಾಖಲೆನ್ ಸಮ ಮಲ್ತೆರ್.
4. ಆಜಿ ಮೈಲಿಕಲ್ಲ್‌ಲೆನ್ ಬೇಗೊಡು ಎತ್ತಿನಾಯೆ
8000, 9000, 10000, 11000, 12000 ಬೊಕ್ಕ 13000 ರನ್‌ದ ಮೈಲಿಕಲ್ಲ್‌ನ್ ಕಮ್ಮಿ ಇನ್ನಿಂಗ್ಸ್‌ಲೆಡ್ ಎತ್ತಿನ ದಾಖಲೆ ಇತ್ತೆ ವಿರಾಟ್ ಕೊಹ್ಲಿನ ಪುದರ್‌ಡ್ ಉಂಡು.
5. ಏಷಿಯಾ ಕಪ್‌ ಶತಕೊಲು
ಏಷಿಯಾ ಕಪ್‌ಡ್ ನಾಲ್ ಶತಕ ಆಕ್‌ದ್ ವಿರಾಟ್ ಕೊಹ್ಲಿ ಮಾತೆರೆರ್ದ್ ಎಚ್ಚ ಶತಕ ಆಕಿನಕ್ಲೆನ ಪಟ್ಟಿಡ್ ಸನತ್ ಜಯಸೂರ್ಯೆರೆನ ಒಟ್ಟುಗು ಕಡೀರ ತಾನೊಡು ಉಲ್ಲೆರ್.
6. ಕಮ್ಮಿ ಇನ್ನಿಂಗ್ಸ್‌ಡ್ 47 ಸೆಂಚುರಿ
ಕಾಲಿ 267 ಇನ್ನಿಂಗ್ಸ್‌ಲೆಡ್ ಗೊಬ್ಬುದು 47 ಸೆಂಚುರಿ ಆಕ್‌ದಿನ ಕೊಹ್ಲಿನ ಕುಡೊಂಜಿ ದಾಖಲೆ.
7. 77 ಅಂತಾರಾಷ್ಟ್ರೀಯ ಶತಕೊಲು
ಪಾಕಿಸ್ತಾನೊದ ಎದುರು ಸೆಂಚುರಿ ಆಕ್‌ದ್ ಕೊಹ್ಲಿ ತನ್ನ ಅಂತಾರಾಷ್ಟ್ರೀಯ ಕ್ರಿಕೆಟ್‌ಡ್ 77ನೇ ಸೆಂಚುರಿ ಮಲ್ತೆರ್.
8. ಏಕದಿನ ಗೊಬ್ಬುಡು ಎಚ್ಚಿನ 50+ ರನ್
ಏಕದಿನ ಗೊಬ್ಬುಡು ಎಚ್ಚ 50+ ರನ್ ಮಲ್ದಿನಕಲೆನ ಪಟ್ಟಿಡ್ ವಿರಾಟ್ ಕೊಹ್ಲಿ ಮೂಜನೇ ತಾನೊಡು ಉಲ್ಲೆರ್.
9. ಪಾಕಿಸ್ತಾನೊದ ಎದುರು ಕಂಸಿಸ್ಟೆನ್ಸಿ
ಪಾಕಿಸ್ತಾನೊದ ಎದುರು ಮಲ್ಟಿ ನ್ಯಾಷನಲ್ ಗೊಬ್ಬುಲೆಡ್ ಎಚ್ಚ ಸೆಂಚುರಿ ಆಕಿನ ಭಾರತೀಯೆ ವಿರಾಟ್ ಕೊಹ್ಲಿ. (ಮಲ್ಟಿ ನ್ಯಾಷನಲ್ ಲೆಕ್ಕ ಪತ್ತ್‌ಜಿಂಡ ಸಚಿನ್ ತೆಂಡೂಲ್ಕರ್)
10. ಪ್ರತಿ 1000 ರನ್ ಮನ್ಪೆರ ಗೆತೊಂಡಿನ ಇನ್ನಿಂಗ್ಸ್‌ಲು
ಏಕದಿನ ಗೊಬ್ಬುಲೆಡ್ ಪ್ರತಿ 1000 ರನ್ ಮನ್ಪೆರ ವಿರಾಟ್ ಕೊಹ್ಲಿ ಮಾತೆರೆರ್ದ್ ಕಮ್ಮಿ ಇನ್ನಿಂಗ್ಸ್ ಗೆತೊಂದಿನ ಆರೆನ ಬ್ಯಾಟಿಂಗ್ ಚಾತುರ್ಪುನು ತೋಜಾದ್ ಕೊರ್ಪುಂಡು.
11. ಪಾಕಿಸ್ತಾನೊದ ಎದುರು ಟಾಪ್ 4 ಜನ 50+ ರನ್ ಮಲ್ತಿನವು
ಬೌಲಿಂಗ್‌ಗ್ ಪುದರ್ ಪೋತಿನ ಪಾಕಿಸ್ತಾನೊದ ಎದುರು ಇದಮುಟ್ಟ ರಡ್ಡ್ ಸರ್ತಿ ಒಂಜಿ ಟೀಮ್‌ದ ಟಾಪ್ ನಾಲ್ ಜನ 50+ ರನ್ ಮಲ್ದೆರ್. ಈ ರಡ್ಡ್ ಸರ್ತಿಲಾ ಕೊಹ್ಲಿ ಇತ್ತಿನವು ಇಸೇಸ.