Last updated on September 14th, 2023 at 12:51 pm
ಬೊಲ್ತೇರ್: ರಿಕ್ಷಾ, ಟೆಂಪೊ ಬೊಕ್ಕ ಲಾರಿದ ನಡುಟು ನಡತಿನ ಎಡ್ತೆಡ್ ಮೂಜಿ ಜನೊಕು ಪೆಟ್ಟಾತಿನ ನಡಕೆ ಬುಧವಾರ ರಾಷ್ಟ್ರೀಯ ಪೆರ್ಸಾದಿ 73ತ ಉಜಿರೆಗ್ ಮುಟ್ಟದ ಟಿಬಿ ಕ್ರಾಸ್‌‌ದಲ್ಪ ನಡತ್‌ದ್ಂಡ್.
ಬೊಲ್ತೇರ್‌ರ್ದ್ ಉಜಿರೆದಂಚಿಗ್ ಪೋವೊಂದಿತ್ತಿನ ಕಾಂಕ್ರೀಟ್‌ ಮಿಕ್ಸಿಂಗ್ ಲಾರಿದ ಡ್ರೈವರ್ ಲಾರಿನ್ ಮೆಲ್ಲ ಮನ್ಪುನಗ ಅವೆತ ಪಿರವು ಬರೊಂದಿತ್ತಿನ ರಿಕ್ಷಾಗ್ ಪಿರವುರ್ದ್ ಟೆಂಪೊ ಎಡ್ತ್‌ದ್ಂಡ್. ಆತನಗ ರಿಕ್ಷಾ ಎದುರುದ ಲಾರಿಗ್ ಎಡ್ತಿನೆರ್ದಾವರ ಞಕ್ಕೆ ಆದ್ ರಿಕ್ಷಾ ಡ್ರೈವರ್ ಸೇರ್ದ್ ಮೂಜಿ ಜನೊಕು ಗಡಿಕುಲಾತ.
ಪೆಟ್ಟಾತಿನ ರಿಕ್ಷಾ ಡ್ರೈವರ್ ಬಂಟ್ವಾಳದ ದಾಮೋದರೆ (32), ಪ್ರಯಾಣಿಕೆರಾಯಿನ ಸೃಜನ್‌ (27) ಬೊಕ್ಕ ಬಿಜು (38) ಮೊಕಲೆಗ್ ಮುಟ್ಟದ ಖಾಸಗಿ ಆಸ್ಪತ್ರೆಡ್ ಮರ್ದ್ ಮಲ್ತ್‌ದ್ ಎಚ್ಚಿನ ಮರ್ದ್‌ಗ್ ಕುಡ್ಲದ ಆಸ್ಪತ್ರೆಗ್ ಸೇರಾದೆರ್.
ಈ ಎಡ್ತೆರ್ದಾವರ ರಾಷ್ಟ್ರೀಯ ಪೆರ್ಸಾದಿಡ್ ಒಂತೆ ಪೊರ್ತು ಟ್ರಾಫಿಕ್ ಜಾಮ್ ಆದಿತ್ತ್ಂಡ್. ಡ್ರೈವರ್‌ಗ್ ಗಾತಿದ ಗಡಿಕುಲಾದ್, ಬೊಲ್ತೇರ್ ಸಂಚಾರ ಪೊಲೀಸ್‌ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.