Last updated on September 15th, 2023 at 09:02 am
ರಾಜ್ಯದ 161 ತಾಲೂಕುಲು ಬರಪೀಡಿತ ಪನ್ದ್ ರಾಜ್ಯ ವಿಪತ್ತು ನಿರ್ವಹಣಾ ತಂಡ ತೀರ್ಮಾನ ಮಲ್ದ್ಂಡ್ ಪನ್ದ್ ಸಚಿವೆ ಕೃಷ್ಣಭೈರೇಗೌಡೆ ತೆರಿಪಾಯೆರ್.
ಬರಪೀಡಿತ ತಾಲೂಕುಲೆಡ್ ತುಳುನಾಡ್‌ದ ಕುಡ್ಲ, ಬೆದ್ರ, ಬೆರ್ಮಾವರ ಬೊಕ್ಕ ಕಾರ್ಲದ ಪುದರ್ಲಾ ಉಂಡು. ರಾಜ್ಯೊಡು 161 ತಾಲೂಕುಲೆಡ್ ತೀವ್ರಬರ ಅಂಚೆನೆ 34 ತಾಲೂಕುಲೆಡ್ ಮಧ್ಯಮ ಬರ ಅಂಚ ಒಟ್ಟು 195 ತಾಲೂಕುಲೆಡ್ ಬರಗಾಲ ಉಂಡು. ಕರ್ನಾಟಕ ರಾಜ್ಯೊಡು 31 ಜಿಲ್ಲೆಲೆಡ್ ಒಟ್ಟು 236 ತಾಲೂಕುಲು ಉಲ್ಲ.
ಬರ ಘೋಷಣೆ ಆಯಿಬೊಕ್ಕ ಈ ಜಿಲ್ಲೆಲೆಡ್ ಕಾರ್ಯಪಡೆ ಮಲ್ಪುಂಡು. ಪರ್ಪಿನ ನೀರ್ ಕೊರಿಯರೆ ಟ್ಯಾಂಕರ್ ವ್ಯವಸ್ಥೆ ಮಲ್ಪರೆ ಬೊಕ್ಕ ಬಾಡಯಿ ಬೋರ್‌ವೆಲ್ ಮಲ್ಪರೆ ಸರಕಾರ ಸಕಾಯ ಮಲ್ಪುಂಡು. ಪರಿಸ್ಥಿತಿಗ್ ಸ್ಪಂದಿಸಾದ್ ಸಕಾಯ ಮಲ್ಪರೆ ಸರಕಾರ ಸಿದ್ದವಾದುಂಡು ಪನ್ದ್ ಪನ್ಡೆರ್.