Last updated on September 28th, 2023 at 12:18 pm
ಥಾಯ್ಲಾಂಡ್‌ಡ್ ನಡತಿನ ಮಿಸ್ ಟೀನ್ ಗ್ಲೋಬ್ ಇಂಟರ್‌ನ್ಯಾಷನಲ್ ಬ್ಯೂಟಿ ಸ್ಪರ್ಧೆಡ್ ನಮ್ಮ ತುಳುನಾಡ್‌ದ ಯಶಸ್ವಿನಿ ದೇವಾಡಿಗ ಕಿರೀಟ ಪಡೆಯೊಂಡೆರ್.
ಕುಡ್ಲದಾರಾಯಿನ ಮೇರ್ ದೇವದಾಸ್ ಕುಳಾಯಿ ಬೊಕ್ಕ ಮೀನಾಕ್ಷಿ ಕುಳಾಯಿ ಮೆರೆನ ಮಗಲ್. ಮೇರ್ ಇತ್ತೆ ಸುರತ್ಕಲ್ ಗೋವಿಂದದಾಸ ಕಾಲೇಜಿಡ್ ರಡ್ಡನೇ ಪಿಯುಸಿ ಕಲ್ತೊಂದುಲ್ಲೆರ್. ಈ ವರ್ಸ ಮೇ ತಿಂಗೊಲುಡು ಹೈದರಾಬಾದ್‌ಡ್ ನಡದಿತ್ತಿನ ಮಿಸ್ ಟೀನ್ ಇಂಡಿಯಾ ಗ್ಲೋಬಲ್ ಪಂತೊಡು ಸುರುತ ರನ್ನರ್ ಅಪ್ ಆದ್ ಅಂತರಾಷ್ಟ್ರೀಯ ಮಟ್ಟೊಡು ಸ್ಪರ್ಧೆ ಮಲ್ಪರೆ ಅಜತ್ ಬೈದಿತ್ತೆರ್. ಥಾಯ್ಲಾಂಡ್‌ಡ್ ನಡತಿನ ಅಂತರಾಷ್ಟ್ರೀಯ ಪಂತೊಡು ನಮ್ಮ ದೇಶೊನು ಪ್ರತಿನಿಧಿಸಾದ್ ಮೇರ್ ಮಿಸ್ ಟೀನ್ ಕಿರೀಟದ ಮಾನಾದಿಗೆ ಪಡೊಯೊಂದು ದೇಶೊಗು ಅಂಚೆನೆ ನಮ್ಮ ತುಳುನಾಡ್‌ಗ್ ಪೆರ್ಮೆ ಕನತೆರ್.