ಬುರ್ಖಾ ಪಾಡೊಂದು, ಕಾಲಿ ಕಡ್ಯ ತುಂಬೊಂದು ವಾಟಾಳ್ ನಾಗರಾಜ್ ಪೊರ್ಮ್ಬಾಟ

Last updated on September 29th, 2023 at 03:04 pm

ರಾಜ್ಯ ಸರ್ಕಾರ ಪೊಲೀಸೆರೆನ್ ಪತೊಂದು ಬಂದ್‌ನ್ ಉಂತಾವುನ ಬೇಲೆ ಮಲ್ತೊಂದಿತ್ತ್‌ದ್, ಗೂಂಡಾ ರಾಜ್ಯ ಮನ್ಪೆರ ಪಿದಡ್ದೆರ್ ಪಂದ್ ಕನ್ನಡ ಒಕ್ಕೂಟೊದ ಗುರ್ಕಾರೆ ವಾಟಾಳ್ ನಾಗರಾಜ್ ಪಂಡೆರ್.

ಕಾವೇರಿ ನೀರ್‌ಗಾದ್ ಬುರ್ಖಾ ಪಾಡೊಂದು, ಕಾಲಿ ಕಡ್ಯ ಪತೊಂದು ಪೊಸ ರಿತಿತ ಪೊರ್ಮ್ಬಾಟ ಮಲ್ತೊಂದುಪ್ಪುನ ಕನ್ನಡ ಒಕ್ಕೂಟೊದ ಗುರ್ಕಾರೆ ವಾಟಾಳ್ ನಾಗರಾಜ್, ಬಂದ್‌ಗ್ ಸರ್ಕಾರೊದ ವಿರೋಧ ಉಂಡು, ಪೊಲೀಸೆರೆಗ್ ಉರ್ಬು ಪಾಡ್ದ್ಂಡ್. ಬೆಂಗ್ಳೂರ್‌ಡೇ 50 ಸಾವಿರ ಪೊಲೀಸೆರೆನ್ ಉಂತಾದ್ಂಡ್. ಇಡೀ ಕರ್ನಾಟಕೊಗು ಲಕ್ಷಗಟ್ಲೆ ಪೊಲೀಸ್‌ದಕ್ಲೆನ್ ಉಂತಾದ್ ಸರ್ಕಾರೊನೇ ಬಂದ್ ಮಲ್ತೊಂದುಂಡು. ಎಂಕ್ಲು ಕಾವೇರಿ‌ಗಾದ್ ಬಂದ್ ಮಲ್ತಂಡ, ಸರ್ಕಾರ ಪೊಲೀಸ್ ಉಂತಾದ್ ಬಂದ್ ಮಲ್ತೊಂದುಂಡು ಪಂದ್ ಆರೋಪಿತೆರ್.

ಸರ್ಕಾರ ದಾದ ಮಲ್ತ್ಂಡಲಾ ಎಂಕ್ಲೆನ ಲೆಪ್ಪುಗೂ ರಾಜ್ಯ ಸ್ಪಂದನೆ ಕೊರ್ತುಂಡು, ಬಂದ್ ಯಶಸ್ವಿಯಾತ್ಂಡ್. ಆಂಡ, ಸರ್ಕಾರ ಅರ್ಥ ಮಲ್ತೊನಂದೇ ಪೊರ್ಮ್ಬಾಟಗಾರೆರೆನ್ ತಿಕ್ಕಿನವುಲು ಕೈದ್ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.