Last updated on September 20th, 2023 at 08:10 am
ಬೊಡೆದಿ ಮುಂಚಿದ ಪೊಡಿ ಕಲದಿನ ಬೆಚ್ಚ ನೀರ್ ಎನ್ನ ಮಿತ್ತ್ ತೇದೊಲು ಪನ್ದ್ ಕಂಡನೆ ಒರಿ ಕಾಪು ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರ್ತೆರ್. ಈ ನಡಕೆಡ್ ಗಡಿ ಆತಿನರೆನ್ ಕಟಪಾಡಿದ ಮಣಿಪುರ ಗ್ರಾಮದ ಮಹಮ್ಮದ್ ಆಸಿಫ್ ಪನ್ದ್ ಪೊಲಬು ಉಂಡು, ಅರೆನ ಬೊಡೆದಿ ಆಫ್ರೀನ್ ಈ ಕೃತ್ಯ ಮಲ್ದಿನ ಆರೋಪಿಯಾದುಲ್ಲೆರ್.
ಆಸಿಫ್‌ಗ್ ಬೇತೆ ಪೊಣ್ಣನ ಒಟ್ಟುಗು ಚಂಗಾಯಿ ಉಂಡು ಪನ್ದ್ ಬೊಡೆದಿಗ್ ಅನುಮಾನ ಇತ್ತ್ ದಿನಾಲ ಈ ಇಸಯೊಡು ಲಡಯಿ ಆವೊಂದಿತ್ತ್ಂಡ್‌ಗೆ. ಅಂಚ ಸಪ್ಟೆಂಬರ್ 17ಕ್ಕ್ ಆಸಿಫ್ ಮೀನಗ ಪಿದಯಿರ್ದ್ ಬಾಕಿಲ್ ಬೊಟ್ಟಿನ ಅಫ್ರೀನಾ, ಆಸಿಫ್ ಬೀಕಿಲ್ ದೆತ್ತಿನೇ ಮುಂಚಿದ ಪೋಡಿ ಕಲದಿನ ಬೆಚ್ಚ ನೀರ್ ತೇದೊಲು ಪನ್ದ್ ಪೋಲೀಸ್ ದೂರುಡು ಕೊರ್ತೆರ್. ಈ ನಡಕೆಡ್ ಆಸಿಫ್‌ನ ಮೋನೆ, ಎಚ್ಚಿ, ದತ್ತ ಕೈ, ತಿಗಲೆ, ಬೆರಿ ಪೂರಾ ಪೊತ್ತಿಲೆಕ್ಕ ಆತ್ಂಡ್, ಒಡಿಪು ಜಿಲ್ಲಾಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್.