Last updated on October 9th, 2023 at 01:00 pm
ಕುಡ್ಲ: Zomato ಡೆವಿವರಿ ನೀಡಲುಕೊರ್ಯೆರ ಪೋವೊಂದಿತ್ತಿನ ಬೈಕ್‌ಗ್ ಒಂಜಿ ಕಾರ್ ಪಿರವುರ್ದ್ ಎಡ್ತ್‌ದ್ ಇರ್ವೆರ್ ಜವನೆರೆಗ್ ಗಾತಿದ ಗಡಿಕುಲಾದ್ ಪೇಂಟೆದ ಖಾಸಗಿ ಆಸ್ಪತ್ರೆಗ್ ದಾಕಲಾತಿನ ನಡಕೆ ಸನಿಯಾರ ರಾತ್ರೆ ನಡತ್‌ದ್ಂಡ್.
ಪೆಟ್ಟಾತಿನಕಲು ಕಾಸ್ರೋಡ್ ನಿವಾಸಿಲಾಯಿನ ಮುಹಮ್ಮದ್ ಅದ್ನಾನ್ ಬೊಕ್ಕ ಬಾಸಿಲ್ ಪಂದ್ ತೆರಿದ್‌ಬೈದ್ಂಡ್.
ಜವನೆರ್ ಕಾಲೇಜಿ ಕಲ್ತೊಂದಿತ್ತ್‌ದ್ ರಾತ್ರೆ ಝೊಮೆಟೊ ಡೆಲಿವರಿ ಬಾಯ್ ಆದ್ ಬೇಲೆ ಮನ್ತೊಂದಿತ್ತೆರ್. ರಾಷ್ಟ್ರೀಯ ಪೆರ್ಸಾದಿ 66ತ ಪದುವಾ ಕಾಲೇಜಿದಲ್ಪ ಡೆಲಿವರಿ ಪತೊಂದು ಪೋನಗ ಬುಲೆರೋ ಗಾಡಿ ಬೈಕ್‌ಗ್ ಪಿರವುರ್ದ್ ಎಡ್ತ್‌ದ್ಂಡ್.
ಎಡ್ತೆದ ಜಾಗೆಗ್ ಅಂಚೆನೇ ಆಸ್ಪತ್ರೆಗ್ ಸಂಚಾರ ವಿಭಾಗೊದ ಪೊಲೀಸೆರ್ ಬತ್ತ್‌ದ್, ಪೆಟ್ಟಾತಿನಕಲೆನ ಒಲವು ಗೆತೊಂದೆರ್. ಅಕಲೆನ ಪಾತೆರದಲೆಕ ಆರೋಪಿ ಕಾರ್ ಡ್ರೈವರ್‌ನ ವಿರುದ್ಧ ಪ್ರಕರಣ ದಾಕಲಾತ್ಂಡ್ ಪಂದ್ ತೆರಿದ್‌ಬೈದ್ಂಡ್.