Last updated on October 12th, 2023 at 09:31 pm
ಬಂಟ್ವಾಳ: ಸಾದಿ ಕಡತೊಂದುಪ್ಪುನಗ ಜನವ್ದಿಯೊರ್ತಿಗ್ ಕಾರ್ ಎಡ್ತ್‌ದ್ ತೀರ್ದಿನ ನಡಕೆ ದಾಸಕೋಡಿಡ್ ನಡತ್‌ದ್ಂಡ್.
ಬೀರಕಂಬ ಗ್ರಾಮೊದ ಬಾಯಿಲ ನಿವಾಸಿ ಶೇಖರ ಪೂಜಾರಿ ಪನ್ಪಿನಾರೆನ ಮಗಲ್ ಪಾವನ (23) ತೀರ್ದಿನ ಪೊಣ್ಣು.
ಬಿ.ಸಿ.ರೋಡ್‌ದ ಸ್ಕ್ಯಾನಿಂಗ್ ಸೆಂಟರ್‌ಡ್ ಬೇಲೆ ಮಲ್ತೊಂದಿತ್ತಿನ ಪಾವನ ಬಯ್ಯಡ್ ಬೇಲೆ ಬುಡ್ದ್ ಬಿ.ಸಿರೋಡ್‌ರ್ದ್ ಬಸ್‌ಡ್ ದಾಸಕೋಡಿಗ್ ಬತ್ತ್‌ದಲ್. ದಾಸಕೋಡಿಡ್ ಬಸ್ ಜತ್ತ್‌ದ್ ಪೆರ್ಸಾದಿದ ಬರಿಟ್ ನಡತೊಂದು ಪೋನಗ ಕಾರ್ ಎಡ್ತ್‌ದ್ಂಡ್ಂದ್ ಪನೊಂದುಲ್ಲೆರ್.
ಎಡ್ತಿನ ಪೆಟ್ಟ್‌ಗ್ ಪಾವನ ಸಾದಿ ಬರಿತ ತೋಡುಗು ರಟ್ಟ್‌ದಲ್. ಕಾರ್‌ಲಾ ಪಲ್ಟಿಯಾತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಪೊಣ್ಣನ ಪುನೊನು ಮರಣೋತ್ತರ ಪರೀಕ್ಷೆಗ್ ಬಂಟ್ವಾಳದ ಸರಕಾರಿ ಆಸ್ಪತ್ರೆದ ಶವಗಾರೊಡು ದೀತೆರ್.
ಜಾಗೆಗ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸೆರ್ ಬತ್ತ್‌ದ್ ಪ್ರಕರಣ ದಾಕಲ್ತೊಂದೆರ್.