Last updated on October 12th, 2023 at 02:26 pm
ಕುಡ್ಲ : ಸ್ಕಿಡ್ ಆದ್ ಬೂರ್ನ ಆಕ್ಚಿವಾ ಸ್ಕೂಟರ್ ಬುಡೊಂದಿತ್ತಿನಾಯನ ಮಿತ್ತ್‌ಡೇ ಒಂಜಿ ಕಾರ್ ಪೋಯಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನಾಯೆ ಆ ಜಾಗೆಡೇ ತೀರ್ದಿನ ಭೀಕರ ನಡಕೆ ಕುಡ್ಲದ ಕುಂಟಿಕಾನದಲ್ಪ ಕೋಡೆ ರಾತ್ರೆ ನಡತ್‌ದ್ಂಡ್.
ಕಾವೂರು ನಿವಾಸಿ ಕೌಶಿಕ್ (21) ತೀರ್ದಿನಾರ್. ಎಜೆ ಆಸ್ಪತ್ರೆರ್ದ್ ಕೌಶಿಕ್ ಸ್ಕೂಟರ್‌ಡ್ ಪಿದಯಿ ಬರೊಂದುಪ್ಪುನಗ ಆಟೋ ರಿಕ್ಷಾ ಒಂಜಿ ಕೌಶಿಕ್‌ನ ಸ್ಕೂಟರ್‌ಗ್ ತಾಗ್‌‌ದ್, ಕೌಶಿಕ್ ಸ್ಕಿಡ್ ಆದ್ ಸಾದಿಗ್ ಬೂರ್ದೆರ್. ಅವ್ವೇ ಪೊರ್ತುಡು ಕೌಶಿಕ್‌ನ ಮಿತ್ತ್‌ಡೆ ಬರಸ್‌ಡ್ ಬತ್ತಿನ ಒಂಜಿ ಕಾರ್ ಪೋಯಿನೆರ್ದಾವರ ಗಾತಿದ ಪೆಟ್ಟಾದ್ ಅಲ್ಪನೇ ತೀರ್ದೆರ್ ಪಂದ್ ಪೊಲೀಸೆರ್ ಒಲವು ಕೊರ್ತೆರ್. ಮೂಡಾಯಿ ಕುಡ್ಲ ಸಂಚಾರಿ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.