Last updated on October 22nd, 2023 at 12:41 pm
ಮೂಡಾಯಿ ಕುಡ್ಲ ಸ್ಟೇಶನ್‌ದ ಸೀಮೆಡ್ ಕಾಂಡೆ ವಾಕಿಂಗ್ ಪೋವೊಂದಿತ್ತಿನ ಪೊಂಜೊವುನ ಕರಿಮಣಿ ಲಕ್ಕಾದಿನ ನಡಕೆ ನಡತ್‌ದ್ಂಡ್.
ಪುಲ್ಯ ಕಾಂಡೆ ಅಂದಾಜಿ 5:30 ಗಂಟೆಗೊ ಪೇಂಟೆದ ಪೊಂಜೊವು ಒರ್ತಿ ಏಪೊಲ್ದ ಲೆಕ ತನ್ನ ಇಲ್ಲ್ ಬಿಜೈ ನ್ಯೂ ರೋಡ್‌ರ್ದ್ ಭಾರತಿನಗರ ಕ್ರಾಸ್ ರೊಡ್‌ಡೆ ಬಿಜೈ ಚರ್ಚ್ ಮುಟ್ಟ ಫೂಟ್‌ಪಾತ್‌ಡ್ ವಾಕಿಂಗ್ ಮಲ್ತೊಂದು ಬಿಜೈ ಜಂಕ್ಷನ್‌ದಂಚಿ ಪೋವೊಂದಿತ್ತ್‌ದ್, ಈ ಪೊರ್ತುಡು ಎದುರುರ್ದ್ ಬತ್ತಿನ ದ್ವಿಚಕ್ರ ಗಾಡಿಡಿತ್ತಿನ ಇರ್ವೆರ್ ಪೊಂಜೊವುನು ಉಂತಾದ್ ಬೈಕ್‌ರ್ದ್ ಜತ್ತ್‌ದ್ ಬೀಚ್‌ಗ್ ಪೋಪುನ ಸಾದಿದ ಬಗೆಟ್ ಕೇಂದೆರ್.
ಅಪಗ ಪೊಂಜೊವು ಎಂಕ್ ತೆರಿದಿಜಿ ಪಂದ್ ಪನೊಂದಿತ್ತಿ ಲೆಕನೆ ಆರೆನ ನಾಲಿಡಿತ್ತಿನ 32 ಗ್ರಾಂ ತೂಕೊದ ಬಂಗಾರ್ದ ಕರಿಮಣಿನ್ ಒಯ್ತ್‌ದ್ ಪದ್ರಾಡಾತೆರ್.
ಈ ಬಗೆಟ್ ಮೂಡಾಯಿ ಕುಡ್ಲ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.