Last updated on October 1st, 2023 at 09:06 am
ಕೆಜೆಹಳ್ಳಿ, ಡಿಜೆಹಳ್ಳಿಡ್ ನಡತಿನ ಗಲಭೆದ ಇಸಯೊಡು ಪೋಲೀಸೆರ್ ಮಲ್ದಿನ ಗೋಲಿಬಾರ್‌ಡ್ ಸೈತಿನಕುಲು ಅಮಾಯಕೆರ್ ಅತ್ತ್ ಪನ್ದ್ ಕಾಂಗ್ರೇಸ್ ಒತ್ತೊಂದುಂಡು.
ಈ ಪ್ರಕರಣದ ಬಗೆಟ್ ಮ್ಯಾಜಿಸ್ಟ್ರೇಟ್ ವರದಿನ್ ಒತ್ತೊನ್ನ ಕಾಂಗ್ರೇಸ್ ಈ ದುಂಬು ಮಲ್ದಿನ ಆರೋಪೊಲೆನ್ ಇತ್ತೆ ಕಾಂಗ್ರೇಸ್ ನಿರಾಕರಣೆ ಮಲ್ದ್ಂಡ್. ಮಾಜಿ ಶಾಸಕೆ ಅಖಂಡ ಶ್ರೀನಿವಾಸ ಮೂರ್ತಿನ ಇಲ್ಲದ ಮಿತ್ತ್ ದಾಳಿ ಮಲ್ತ್, ಪೋಲೀಸ್ ಸ್ಟೇಷನ್‌ನ್ ಪೊತ್ತಾವರೆ ಪಿದಡ್ನಗ ಪೋಲೀಸೆರ್ ಗೋಲಿಬಾರ್ ಮಲ್ದಿತ್ತೆರ್, ಈ ಪೊರ್ತುಡು ಗಲಭೆದ ಆರೋಪಿ ಒರಿ ತೀರ್ದಿತ್ತೆ. ಉಂದೆಕ್ ಕಾಂಗ್ರೇಸ್ ಅಪಗದ ಬಿಜೆಪಿ ಸರಕಾರದ ಮಿತ್ತ್ ಮುಸ್ಲಿಂಮೆರೊನ ಮಿತ್ತ್ ಬಿಜೆಪಿ ಪಗೆ ಸಾದಿಸಾವರೆ ನಕಲಿ ಗೋಲಿಬಾರ್ ಮಲ್ಪಾದ್ಂಡ್ ಪನ್ದ್ ಆರೋಪ ಮಲ್ದಿತ್ತ್ಂಡ್.
ಇತ್ತೆ ಅಧಿಕಾರೊಗು ಬತ್ತಿ ಬೊಕ್ಕ ಕಾಂಗ್ರೇಸ್ ಈ ರಿಪೋರ್ಟುನು ಒತ್ತೊಂದುಂಡು. ಬಿಜೆಪಿ ಸರಕಾರ ಮಲ್ದಿತ್ತಿನ ಕ್ಯಾಬಿನೊಟ್ ನಿರ್ಧಾರೊನು ಒಪ್ಪಿದ್ ರಾಜ್ಯಪತ್ರ ಪಿದಡ್ಪಾದ್ಂಡ್. ಆನಿ ಲಡಯಿ ಮಲ್ತ್ ಇತ್ತೆ ಅಧಿಕಾರೊಗು ಬತ್ತಿನೇ ಕಾಂಗ್ರೇಸ್ ಸತ್ಯ ಒತ್ತೊಂದುಂಡು ಪನ್ದ್ ಬಿಜೆಪಿ ಟೀಕೆ ಮಲ್ದ್ಂಡ್.