ಪಾಣೇರ್ ಸಂಕ, ಬಿಸಿರೋಡ್‌ಡ್ ಒಂಜಿ ಗಂಟೆದಾತ್ ಟ್ರಾಫಿಕ್ ಜಾಮ್

Last updated on October 3rd, 2023 at 08:21 am

ರಾಷ್ಟ್ರೀಯ ಪೆರ್ಸಾದಿ 75ತ್ತ ಪಾಣೇರ್ ನೇತ್ರಾವತಿ ಸಂಕೊಡು ಸೋಮಾರ ಲಾರಿ ಒಂಜಿ ತೆಟ್ಟ್‌ದ್ ಉಂತಿನೆರ್ದಾವರ ಸುಮಾರ್ 1 ಗಂಟೆದಾತ್ ಪೊರ್ತು ಟ್ರಾಫಿಕ್ ಜಾಮ್ ಆತ್ಂಡ್.

ಲಾರಿದ ಟಯರ್‌ಡ್ ದೋಷ ತೋಜಿನೆರ್ದಾವರ ಸಂಕದ ನಡುಟೇ ಲಾರಿ ಉಂತುಲೆಕ್ಕ ಆದಿತ್ತ್ಂಡ್. ಅಂಚಾದೇ ಗಾಡಿಲು ಒಂಜಿ ಕಡೆಕ್ ತೆಲಾದ್ ಪೋವೊಡಾಂಡ್. ಬೊಕ್ಕ ಕ್ರೇಸ್ ತರ್ಪಾದ್ ಲಾರಿನ್ ಬರಿಕ್ ಒಯ್ತ್ ಪಾಡಿಯೆರ್. ಬಂಟ್ವಾಳದ ಸಂಚಾರ ಠಾಣಾ ಪಿಎಸ್ಐ ಸುತೇಶ್ ಬೊಕ್ಕ ಸಿಬ್ಬಂದಿಲು ಜಾಗೆಗ್ ಬತ್ತ್ ಗಾಡಿಲು ಎಡ್ಡೆಡ್ ಪೋಪಿಲೆಕ್ಕ ತಾದಿ ತೂಪಾಯೆರ್.

ಕರಿನ ರಡ್ಡ್ ವಾರೊಡು ಉಂದು ಮೂಜನೇ ಸಲ ಇಂಚ ಆಪಿನಿ, ಒಂಜಾ ಎಡ್ತೆಲೆಡ್ ಇಜಿಂಡ ಗಾಡಿ ತೆಟ್ಟ್‌ದ್ ಉಂತುದು ಟ್ರಾಫಿಕ್ ಜಾಮ್ ಆವೊಂದುಂಡು.