Last updated on October 18th, 2023 at 07:27 am
ರಾಜ್ಯದ ಕಾಂಗ್ರೇಸ್ ಕಾರ್ಪೋರೇಟರ್‌ನ ಇಲ್ಲಲ್ ತಿಕ್ಕ್‌ದಿನವು ಲಂಚೊದ ಪನವು. ಗುತ್ತಿಗೆದಕಲೆನ 600 ಕೋಟಿ ಪನವುನು ಕಮಿಷನ್‌ದ ಲೆಕ್ಕೊಡು ಬುಡುಗಡೆ ಮಲ್ದಿನವು ಐಟಿ ದಾಳಿದ ಪೊರ್ತುಡು ತಿಕ್ಕ್‌ದ್ ಬೂರ್ದುಂಡು. ಉಂದೆಕ್ ಸಾಕ್ಷಿಲುಲಾ ಉಲ್ಲ ಅಂಚಾದ್ ಕಾಂಗ್ರೇಸ್ ನಾಯಕೆರೆಗ್ ಕಪಡ ತಿಹಾರ್ ಜೈಲ್‌ಡ್ ಅದೆ ರೆಡಿಯಾದುಂಡು ಪನ್ದ್ ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್ ಪನ್ಡೆರ್.
ಬಿಜೆಪಿದ ಲೆಕ್ಕೊಡು ರಾಜ್ಯ ಸರಕಾರದ ವಿರುದ್ದ ಕುಡ್ಲದ ಕಾವೂರು ಜಂಕ್ಷನ್‌ಡ್ ನಡತಿನ ಪ್ರತಿಭಟನೆಡ್ ಈ ಪಾತೆರ ಆರ್ ಪನ್ಡೆರ್. ಪೋಯಿನ ಸಲ ಎಂಕ್ಲೆನ ಸರಕಾರೊನು ನಲ್ಪ ಪರ್ಸೆಂಟ್ ಸರಕಾರ ಪನ್ದ್ ಕಲು ಆರೋಪ ಮಲ್ದಿತ್ತೆರ್, ಓಲುಂಡು ಸಾಕ್ಷಿ ಪನ್ದ್ ಕೇನ್ನಗ ಏರ್ಲಾ ಕೊರ್ದಿತ್ತಿಜೆರ್. ಇತ್ತೆ ಕಾಂಗ್ರೇಸ್ ಸರಕಾರ 80% ಸರಕಾರ ಆದುಂಡು. ಕರ್ನಾಟಕ ಕಾಂಗ್ರೇಸ್ ಹೈಕಮಾಂಡ್‌ಗ್ ಎಟಿಎಂ ಆದುಂಡು ಪನ್ದ್ ಪನ್ಡೆರ್.