Last updated on October 31st, 2023 at 01:31 pm
ಕುಡ್ಲ: ನೇತ್ರಾವತಿ ಸುದೆ ಸಂಕೊದ ಮಿತ್ತ್ ಒರಿ ಕಾರ್ ಉಂತದ್ ಸುದೆಕ್ ಲಾಗಿದಿನ ನಡಕೆ ತೊಕ್ಕೊಟ್ಟುದಲ್ಪ ನಡತ್‌ದ್ಂಡ್.
ಕಿನ್ಯಮಗಲ್ನೂರ್(ಚಿಕ್ಕಮಗಳೂರು) ಜಿಲ್ಲೆದ ಪ್ರಸನ್ನ (35) ಪನ್ಪಿನಾರ್ ಸುದೆಕ್ ಲಾಗಿದಿನಾರ್. ತನ್ನ ಇಲ್ಲದಕಲೆನೊಟ್ಟುಗು ಕುಡ್ಲದ ಖಾಸಗಿ ಆಸ್ಪತ್ರೆಗ್ ಬತ್ತಿತ್ತೆರ್ ಪಂದ್ ತೆರಿದ್‌ಬೈದ್ಂಡ್.
ಇಲ್ಲದಕ್ಲೆನ್ ಆಸ್ಪತ್ರೆಡ್ ಬುಡ್ದ್ ಕಾರ್‌ಡ್ ಪಿದಡಿನ ಪ್ರಸನ್ನ, ತೊಕ್ಕೊಟ್ಟು ಮುಟ್ಟದ ನೇತ್ರಾವತಿ ಸಂಕೊದ ಮಿತ್ತ್ ಕಾರ್ ಉಂತದ್ ಸುದೆಕ್ ಲಾಗಿದೆರ್ ಪಂದ್ ಪನೊಂದುಲ್ಲೆರ್.
ಸುದೆಕ್ ಲಾಗಿದಿನ ಪ್ರಸನ್ನೆರೆನ್ ನಾಡೊಂದಿತ್ತ್‌ದ್, ಕಂಕನಾಡಿ ಸ್ಟೇಶನ್ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಪ್ರಸನ್ನೆ ನಟ್ಟಿಕಾಯಿ ಬೇರದಾರ್ ಪಂದ್ ವರದಿ ಆತ್ಂಡ್. ಸುದೆಕ್ ಲಾಗಿಯೆರ ದಾದ ನೆವನ ಪಂದ್ ನನ ತೆರಿಯೊಡಾತೆ.