Last updated on October 19th, 2023 at 04:14 pm
ಕುಡ್ಲ: ಕುಡ್ಲಡ್ ಕುಕ್ಕರ್ ಬಾಂಬ್ ಸ್ಫೋಟ ಪ್ರಕರಣೊದ ಪ್ಲಾನ್ ಪಾಡ್ದಿತ್ತಿನ ಐಸಿಸ್ ಉಗ್ರಗಾಮಿ ಸಂಘಟನೆದ ಪ್ಲಾನರ್, ಶಿವಮೊಗ್ಗ ಮೂಲೊದ ಅರಾಫತ್ ಅಲಿನ್ ರಾಷ್ಟ್ರೀಯ ತನಿಖಾ ಸಂಸ್ಥೆ ಕೈದ್ ಮಲ್ತ್‌ದ್, ವಿಚಾರಣೆದ ಪೊರ್ತುಡು ಕುಡೊಂಜಿ ಪೋಡಿಕಟ್ಟಾವುನ ಅಂಶ ಬಾಯಿ ಬುಡ್ತೆ. ಕರ್ನಾಟಕೋದ ಮೂಜಿ ಕಡೆಟ್ ಬಾಂಬ್ ಬ್ಲಾಸ್ಟ್ ಮನ್ಪೆರ ಪ್ಲಾನ್ ಮಲ್ತಿತ್ತ ಪಂದ್ ಪಂಡೊಂದೆ.
ಕದ್ರಿ ದೇವಲ್ಯ ಟಾರ್ಗೇಟ್ ಆದಿತ್ತ್ಂಡ್ ಪಂದ್ ದುಂಬೇ ಪಂದಿತ್ತೆ. ಇತ್ತೆ ಒಡಿಪು ಮಠ, ಚಿಕ್ಕಮಗಳೂರ್‌ದ ಬಿಜೆಪಿ ಕಚೇರಿಲಾ ಟಾರ್ಗೆಟ್ ಮಲ್ದಿತ್ತ ಪಂದ್ ಪಂಡೊಂದೆ. ಕದ್ರಿ ಬ್ಲಾಸ್ಟ್ ಸಕ್ಸಸ್ ಆತುಂಡ ಒಡಿಪು ಮಠ ಬೊಕ್ಕ ಚಿಕ್ಕಮಗಳೂರ್ ಬಿಜೆಪಿ ಕಚೇರಿನ್ ಬ್ಲಾಸ್ಟ್ ಮನ್ಪೆರಗಿತ್ತ. ಆಂಡ ಕದ್ರಿ ದೇವಲ್ಯ ಎತ್ತುನ ದುಂಬೇ ಕುಕ್ಕರ್ ಬಾಂಬ್ ಬ್ಲಾಸ್ಟ್ ಆದ್ ಪ್ಲಾನ್ ಪ್ಲಾಪ್ ಆದಿತ್ತ್ಂಡ್ ಪಂದ್ ಪನ್ತಿನ NIA ಜಡ್ತೆಡ್ ತೆರಿದ್ ಬೈದ್ಂಡ್.