ಕುಡ್ಲ ದಸರಾ : ಮೆರವಣಿಗೆದಾನಿ, ಗಾಡಿಲೆನ ರೂಟ್ ಪಗತೆ ಅಂಚೆನೆ ಗಂಗಸರ ಬಂದ್!

Last updated on October 21st, 2023 at 07:18 pm

ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ದೇವಲ್ಯದ ಮಾರ್ನೇಮಿ ಉಚ್ಚಯದ ಶೋಭಾಯಾತ್ರೆ ಅಕ್ಟೋಬರ್ 24ಕ್ಕ್ ನಡಪುಂಡು. ಅಂಚಾದ್ ಆನಿ ಮದ್ಯಾಹ್ನ 2 ಗಂಟೆರ್ದ್ ಗಾಡಿಲೆನ ಸುಗಮ ಸಂಚಾರದ ದಿಟ್ಟಿಡ್ ಪಾರ್ಕಿಂಗ್ ಬೊಕ್ಕ ಪೋಪಿನ ತಾದಿಲೆಡ್ ಒಂತೆ ಪಗತೆ ಮಲ್ತ್ ಮೆರವಣಿಗೆ ಪೋಪಿನ ತಾದಿಲೆಡ್ ಗಾಡಿಲು ಪೋಪಿನ ನಿಷೇಧ ಮಲ್ದೆರ್.

ಕುಡ್ಲ ದಸರಾ ಲೋಕೊರ್ಮೆ ಪುಗಾರ್ತೆದ ಉಚ್ಚಯ ಅಂಚಾದ್ ಆ ಪೊರ್ತುಡು ಕಿಡಿಗೇಡಿಲು ಗಂಗಸರ ಪರ್ದ್ ಅಹಿತಕರ ನಡಕೆ ನಡಪಂದಿಲೆಕ್ಕ ಕಾನೂನು ವ್ಯವಸ್ಥೆ ಒರಿಪಾವೊಡು ಪನ್ದ್ ಜಿಲ್ಲೆದ ಅಲ್ಪಲ್ಪ ದಸರಾ ಮೆರವಣಿಗೆದಾನಿ ಬಾರ್, ವೈನ್ ಶಾಪ್ ಲೆನ ಬಾಕಿಲ್ ದೆಪ್ಪರೆ ಬಲ್ಲಿ ಪನ್ದ್ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಆದೇಶ ಕೊರ್ತೆರ್.