ಮಾರ್ನೇಮಿಗ್ ಕುಡ್ಲಡ್ ವಿದ್ಯುತ್ ದೀಪಾಲಂಕಾರೊ ನಗರ ಪಾಲಿಕೆದ ಲೆಕ್ಕೊಡು

Last updated on October 15th, 2023 at 09:12 am

ಕುಡ್ಲ ನಗರ ಪಾಲಿಕೆ ಮಾರ್ನೇಮಿದ ವಿದ್ಯುತ್ ದೀಪಾಲಂಕಾರೊಗು 1.39 ಕೋಟಿ ಕರ್ಚಿ ಮಲ್ತೊಂದುಂಡು. ಕುಡ್ಲ ದಸರೊಗು ಕುದ್ರೋಳಿ ಗೋಕರ್ಣನಾಥ ದೇವಲ್ಯ, ಮಂಗಳಾದೇವಿ, ಉರ್ವ ಮಾರಿಗುಡಿ, ಭಗವತಿ, ವೆಂಕಟರಮಣ ಅಂಚೆನೊ ನಗರದ ಬೇತೆ ದೇವಲ್ಯೊಗು ಪೋಪಿನ ತಾದಿಲೆಡ್ ಪೂರಾ ಲೈಟಿಂಗ್ ಪಾಡುಂಡು ಪನ್ದ್ ಕುಡ್ಲದ ಮೇಯರ್ ಸುಧೀರ್ ಶೆಟ್ಟಿ ಕಣ್ಣೂರು ಪನ್ತೆರ್.

ನನ ದುಂಬಗ್ ದಸರೊದ ಪೊರ್ತು ಲೈಟಿಂಗ್ ಮಲ್ಪರೆ ಶಾಶ್ವತವಾಯಿನ ವ್ಯನಸ್ಥೆ ಮಲ್ಪುವ ಪನ್ದ್ ಪನ್ಡೆರ್. ತೆನ್ಕಾಯಿ ಕುಡ್ಲದ ಶಾಸಕೆ ವೇದವ್ಯಾಸ ಕಾಮತೆರ್ ಪಾತೆರ್ದ್, ಕುಡ್ಲದ ದಸರಾ ಪನ್ಡ ಏವೇ ಮೈಸೂರು ದಸರಾದಾತೇ ಪುಗಾರ್ತೆ ಇತ್ತಿನ. ಮಾತಾ ಕಡೆರ್ದ್ ಜನಕುಲು ಇಡೆ ಬರ್ಪೆರ್. ಕರಿನ ಮೂಜಿ ವರ್ಸೊರ್ದಿಂಚಿ ಕುಡ್ಲ ಮಹಾನಗರ ಪಾಲಿಕೆ ಕುಡ್ಲ ದಸರೊಗು ಲೈಟಿಂಗ್ ವ್ಯವಸ್ಥೆ ಮಲ್ತೊಂದುಂಡು. “ಪಿಲಿ. ನಲಿಕೆ”, “ಪಿಲಿ ಪರ್ಬ” ದಂಚಿನ ಲೇಸುಲು ನಡಪರೆ ಉಂಡು. ದಸರೊದ ಪೊರ್ತುಡು ತುಳುನಾಡ ಸಂಸ್ಕೃತಿ, ಕುಡ್ಲದ ಪೊಲಬು ತೆರಿಪಾವುನ ಕಜ್ಜೊಲೆನ್ ಮಲ್ಪೊಲಿ ಉಂದೆಕ್ ಸಾರ್ವಜನಿಕೆರ್ ಸಜೆಶನ್ ಕೊರೊಲಿ ಪನ್ದ್ ಪನ್ಡೆರ್.