Last updated on October 30th, 2023 at 03:20 pm
ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರ್‌ಡ್ ಬಸ್ಲೆಗ್ ಸೂ ಪತೊಂಡಿನೆರ್ದಾವರ 20ರ್ದ್‌ಲಾ ಎಚ್ಚಿನ ಬಸ್ಸ್‌ಲು ಅಲಕ್ಕ ಸುಡುಸೂಕರಿಯಾತಿನ ನಡಕೆ ವೀರಭದ್ರ ನಗರೊಡು ನಡತ್‌ದ್ಂಡ್.
ಉಂತುದಿತ್ತಿನ ಬಸ್ಲೆಗ್ ಒರಾನೆ ಸೂ ಪತ್ತಿನೇ, ಅಡೆಗ್ ರಡ್ಡ್ ಅಗ್ನಿ ಶಾಮಕ ಗಾಡಿಲು ಬತ್ತ್‌ದ. 2015ಟ್ ನಡತಿನ ಅಗ್ನಿ ಅವಘಡೊದ ಜಾಗೆಡೇ ಇನಿತ ನಡಕೆ ನಡತ್‌ದ್ಂಡ್. ಸೂ ಅಂಕೆಗ್ ತಿಕ್ಕಂದಿನೆರ್ದಾವರ ಬಸ್ ಟೈರ್‌ಲು ಅಂಚೆನೇ ಡೀಸೆಲ್ ಟ್ಯಾಂಕ್‌ ಪುಡವೊಂದುಲ್ಲ. ಸೂ ತೆಕ್ಕಾಯೆರ ಅಗ್ನಿ ಶಾಮಕ ದಳೊತ ಸಿಬ್ಬಂದಿಲು ಬಂಙ ಬರೊಂದುಲ್ಲೆರ್.
ಎಸ್‌ವಿ ಕೋಚ್ ವರ್ಕ್ಸ್ ಗ್ಯಾರೇಜ್ ಡ್ ಸೂ ಪತೊಂದುಂಡು. ಇತ್ತೆಗ್ ಸುಮಾರ್ 20ರ್ದ್‌ಲಾ ಎಚ್ಚ ಬಸ್ಸ್‌ಲ್ ಪೊತ್ತುದು ಪೋತ, ಆಂಡ ಏರ್ಲಾ ಸೂತ ನಡುಟ್ ತಿಕ್ಕ್‌ದ್ ಬೂರ್ದುಜೆರ್. ಬಸ್‌ಲೆನ್ ರಿಪೇರಿ ಮನ್ಪುನ ಜಾಗೆಡ್ ಈ ಅನಾಹುತ ನಡತಿತ್ತ್‌ದ್, ಒವ್ವೇ ಪ್ರಾಣಹಾನಿ ಆತಿಜಿ. ಶಾರ್ಟ್ ಸರ್ಕ್ಯೂಟ್‌ರ್ದ್ ಇಂಚ ಆತ್ಂಡ್ ಪಂದ್ ಗ್ಯಾರೇಜ್ ಸುಪರ್ ವೈಸರ್ ಒಲವು ಕೊರ್ತೆರ್. ಅಲ್ಪನೇ ಇತ್ತಿನ ಕುಡೊರಿ ವೆಲ್ಡಿಂಗ್ ಸ್ಪಾರ್ಕ್‌ರ್ದಾವರ ಸೂ ಪತೊಂದುಂಡು ಪಂದ್ ಪನೊಂದುಲ್ಲೆರ್.
ಆಂಡ ಪತ್ತ್ ನೆವನ ದಾದ ಪಂದ್ ಜಡ್ತೆ ಆಯಿನೇ ತೆರಿಯೊಡಾತೆ.
ದುಂಬೊರ 2015ಟ್ ಕಾವೇರಿ ಕೊಲಲದ ಪೊರ್ತುಡು ಉಂದುವೇ ಜಾಗೆಡ್ ಅಗ್ನಿ ಅವಘಡ ನಡತಿತ್ತ್ಂಡ್. 2015ಟ್ ತಮಿಳುನಾಡ್‌ದ ಬಸ್ಸ್‌ಲ್ ಪಂಡ್‌ದ್ 25 ಬಸ್‌ಲೆನ್ ಪೊತ್ತದ್ ಪಾಡ್ದಿತ್ತೆರ್.