ತುಳುನಾಡ್ : ಬರವು ತೆರಿಯಂದಿನ ಪೆರಿಯಾಕ್ಲೆಗ್ ಬರವು ಕಲ್ಪಾವುನ ಈಡ್

Last updated on October 26th, 2023 at 11:42 am

ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಉಪ್ಪುನ ಬರವು ತೆರಿಯಂದಿನ ಜನಕುಲೆನ್ ಗುರ್ತ ಪತ್ತ್ ದ್ ಅಲ್ಪದವೇ ಟೀಚರ್‌ನಕಲೆನ್ ಪತೊಂದು ಬರವು ಕಲ್ಪಾವುನ ಕಜ್ಜ ಸುರು ಆತ್ಂಡ್. ಸುಮಾರ್ 22 ಗ್ರಾಮ ಪಂಚಾಯತಿಲೆನ ವ್ಯಾಪ್ತಿಡ್ ಈ ಕಜ್ಜೊ ಮಲ್ಪಾವರೆ ಅನುಮೋದನೆ ತಿಕ್ಕುದ್ಂಡ್. 892 ಜನಕ್ ಕಲ್ಪಾವುನ ಈಡ್ ಉಂಡು ಇತೋರ್ತು 720 ದಾತ್ ಜನಕ್ ಕಲ್ಪಾದ್ಂಡ್.

ಒಡಿಪು ಜಿಲ್ಲೆದ ಕಾಪು ತಾಲೂಕುದ ಮಣಿಪುರ ಗ್ರಾಮ ೃಅಂಚೆನೆ ದ.ಕ. ಜಿಲ್ಲೆದ ಮಂಗಳೂರು ತಾಲೂಕುದ ಅಡ್ಯಾರ್, ಬಾಳ, ಗಂಜಿಮಠ, ಗುರುಪುರ, ಜೋಕಟ್ಟೆ, ಕಂದಾವರ, ಕುಪ್ಪೆಪದವು, ಮೂಡುಶೆಡ್ಡೆ, ಮುಚ್ಚಾರು, ನೀರುಮಾರ್ಗ, ಮೂಲ್ಕಿ ತಾಲೂಕುದ ಬಳ್ಳುಂಜೆ, ಕೆಮ್ರಾಲ್‌, ಕಿಲ್ಪಾಡಿ, ಉಳ್ಳಾಲ ತಾಲೂಕುದ ಅಂಬ್ಲಿ ಮೊಗೆರ್, ಬೋಳಿಯಾರು, ಹರೇಕಳ, ಕಿನ್ಯಾ, ಕೊಣಾಜೆ, ಮಂಜನಾಡಿ ಗ್ರಾ.ಪಂ.ಲೆನ ಬರವು ತೆರಿಯಂದಿನಕಲೆಗ್ ಅಕ್ಷರಾಭ್ಯಾಸ ಮಲ್ಪಾವುಂಡು.