ಕುಡ್ಲ : ಕುದ್ರೋಳಿದ ದಸರಾ ಮೆರವಣಿಗೆಡ್ ದೈವಾರಾಧನೆದ ಸ್ಥಬ್ದಚಿತ್ರೊಲೆಗ್ ಅವಕಾಶ ಇಜ್ಜಿ

Last updated on October 9th, 2023 at 09:27 am

ಲೋಕೊರ್ಮೆ ಮಂಗಳೂರು ದಸರಾ ಪನ್ದೇ ಪುಗಾರ್ತೆ ಪಡೆಯೊಂದಿನ ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಲ್ಯದ ದಸರಾ ಮೆರವಣಿಗೆತ ಬಗೆಟ್ ಆಡಳಿತ ಮಂಡಳಿದಕುಲು ಕೆಲವು ನಿರ್ಣಯೊ ದೆತೊನ್ದೆರ್. ದೈವಾರಾಧನೆದ ಅಣುಕು ಪ್ರದರ್ಶನ ಆವಡ್, ನಮ ನಂಬಿನ ದೈವೊಲೆನ ಸ್ಥಬ್ದಚಿತ್ರೊಲೆನ್ ಮಲ್ಪುನೆಕ್ಕ್ ಆವಡ್ ಒವ್ವೇ ರೀತಿದ ಅವಕಾಶ ಕೊರ್ಪುಜ ಪನ್ದ್ ಕುದ್ರೋಳಿ ದೇವಲ್ಯದ ಗುರ್ಕಾರೆರಾಯಿನ ಎಚ್.ಎಸ್ ಸಾಯಿರಾಂ ತೆರಿಪಾದೆರ್.

ನಾಸಿಕ್ ಬ್ಯಾಂಡ್, ಏಸ ಪಾಡುನಕುಲು, ಪೋಲೀಸೆರೆ ಅನುಮತಿ ದೆತೊನೊಡು. ಬೇತೆ ಬೇತೆ ರಾಜ್ಯದ ಅಂಚೆನೊ ಜಿಲ್ಲೆಲೆರ್ದ್ ತಂಡೊಲು ಬರ್ಪ, ದೇಶದೊರ್ಮೆಡ್ ಅಂಚೆನೆ ಪರವೂರುರ್ದುಲಾ ಪ್ರವಾಸಿಗೆರ್ ಬರ್ಪೆರ್ ಅಂಚಾದ್ ಈ ಲೇಸ್ದ ಯಶಸ್ಸ್ ಗ್ ಮಾತೆರ್ನ ಸಾಕಾರ ಬೋಡು ಪನ್ದ್ ಕುದ್ರೋಳಿ ದೇವಲ್ಯದ ಸಭಾಂಗಣೊಟು ನಡತಿನ ಸಂಘ ಸಂಸ್ಥೆಲೆನ ಪೂರ್ವಭಾವಿ ಸಭೆಟ್ ಪಾತೆರಿಯೆರ್.

ಕುದ್ರೋಳಿ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್, ಅಭಿವೃದ್ದಿ ಸಮಿತಿದ ಹರಿಕೃಷ್ಣ ಬಂಟ್ವಾಳ್, ಕಾರ್ಯಂತೆರ್ ಮಾಧವ ಸುವರ್ಣ, ಊರ್ಮಿಳಾ ರಮೇಶ್, ರವಿಶಂಕರ ಮಿಜಾರ್, ಶೇಖರ್ ಪೂಜಾರಿ, ಕೆ ಮಹೇಶ್ಚಂದ್ರ, ದೇವೇಂದ್ರ ಪೂಜಾರಿ, ಡಾ। ಅನುಸೂಯಾ ಬಿ.ಟಿ, ಬಿ.ಟಿ ಸಾಲ್ಯಾನ್, ಡಾ। ಬಿ.ಜಿ ಸುವರ್ಣ, ಚಿತ್ತರಣಜನ್ ಕಂಕನಾಡಿ ಗರೋಡಿ ಇಂಚಿನ ಗಣ್ಯೆರ್ ಸಭೆಟ್ ಇತ್ತೆರ್.