Last updated on October 26th, 2023 at 09:12 pm
ಮುಲ್ಕಿದ ಕುಬೇರ್‌ದ ರೈಲ್ವೇ ಓವರ್ ಬ್ರಿಡ್ಜ್‌ದಲ್ಪ ರೈಲ್‌ದ ಅಡಿಕ್ ಬೂರ್ದು ಒರಿ ಆತ್ಮಹತ್ಯೆ ಮಲ್ದಿತ್ತೆರ್. ಉಂದೆತ ಜಡ್ತೆ ಮಲ್ಪರೆ ಸ್ಪಾಟ್‌ಗ್ ಪೋಯಿನ ಮುಲ್ಕಿ ಸ್ಟೇಷನ್‌ದ ನಾಲ್ ಪೋಲೀಸೆರ್ ಒಂತೆಡೇ ರೈಲ್‌ದ ಅಡಿಕ್ ಬೂರುನ ತತ್ತೊಂಡೆರ್.
ಐತಾರ 8:30ಗ್ 26 ವರ್ಸದ ವಿಶ್ಲೇಷ್ ಪನ್ಪಿನ ಆನ್ ರೈಲ್‌ದ ಅಡಿಕ್ ಬೂರ್ದು ಆತ್ಮಹತ್ಯೆ ಮಲ್ದಿತ್ತೆ. ಉಂದೆತ ಬಗೆಟ್ ಎಎಸ್ಐ ಸಂಜೀವ, ಚಂದ್ರಶೇಖರ್, ಶಂಕರ್ ಬೊಕ್ಕ ಬಸವರಾಜ್ ಮೇರ್ ಸ್ಪಾಟ್‌ಗ್ ಪೋದು ಜಡ್ತೆ ಮಲ್ತೊಂದಿಪ್ಪುನಗ ಒರಾನೆ ಪಟ್ಟೆಡ್ ರೈಲ್ ಪೋತುಂಡು. ಅಲ್ಪ ಅಂಚಿಂಚಿ ತೆಲಾರೆ ಜಾಗ ದಾಂತಿನೆರ್ದಾವರ ನಾಲ್ ಜನಲಾ ತಿರ್ತ್ ಲಾಗಿಗ್ ಜೀವ ಒರಿತೊಂದೆರ್.