Last updated on October 10th, 2023 at 07:27 pm
ವಿಶ್ವ ಹಿಂದೂ ಪರಿಷತ್ ಬೊಕ್ಕ ಭಜರಂಗದಳತ ಲೆಕ್ಕೊಡು ಒಡಿಪುಡು ಅಂಗಾರೆ ಶೌರ್ಯ ಜಾಗರಣ ರಥಯಾತ್ರೆ ಮುಗಿತಲತ ಲೇಸ್‌ಗ್ ಅಂಚೆನೆ ಹಿಂದೂ ಸಮಾಜೋತ್ಸವದ ಹಿನ್ನೆಲೆಡ್ ಹೈಕೋರ್ಟ್ ಆದೇಶದ ಲೆಕ್ಕೊಡು ವಿಎಚ್‌ಪಿ ಪ್ರಾಂತ್ಯ ಒತ್ತುಕಾರ್ಯಂತೆರ್ ಶರಣ್ ಪಂಪ್‌ವೆಲ್‌ಗ್ ಒಡಿಪು ಜಿಲ್ಲೆಗ್ ಬರಂದಿಲೆಕ್ಕ ನಿರ್ಬಂಧ ಪಾಡ್ದೆರ್.
ಇಂಚೊಗು ಶೌಚಾಲಯೊಡು ಕ್ಯಾಮರಾ ದೀತಿನ ಪ್ರಕರಣೊಟು ಪ್ರಚೋದನಕಾರಿ ಬಾಷಣ ಮಲ್ದೆರ್ ಪನ್ದ್ ಶರಣ್ ವಿರುದ್ದ ಒಡಿಪು ನಗರ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ಆದಿತ್ತ್ಂಡ್. ಉಂದೆಟ್ ಜಾಮೀನ್ ತಿಕ್ಕ್‌ನಗ ದ.ಕ ಜಿಲ್ಲೆ ಬುಡ್ದ್ ಪಿದಯಿ ಪೋರೆ ಇಜ್ಜಿ ಪನ್ದ್ ಷರತ್ತ್ ಇತ್ತ್ಂಡ್. ಅಂಚಾದ್ ಇನಿತ ಹಿಂದೂ ಸಮಾಜೋತ್ಸವ ಲೇಸ್ಡ್ ಪಾಲ್ ದೆತೊನಂದಿಲೆಕ್ಕ ನಿರ್ಬಂದ ಆಂಡ್. ಒಡಿಪುಗು ಬತ್ತ್ಂಡ ಜಾಮೀನು ನಿಯಮೊಗು ತತ್ತೆರ್ ಪನ್ದ್ ಅರೆಸ್ಟ್ ಆಪಿನ ಸಾಧ್ಯತೆ ಇತ್ತಿನೆರ್ದಾವರ ಪೆಜಮಾಡಿರ್ದೇ ಆರ್ ಪಿರ ಪೋತೆರ್