Last updated on October 17th, 2023 at 07:57 pm
ತೆಡಿಲ್ದ ಪೆಟ್ಟ್‌ಗ್ ಸುಡು ಸೂಕರಿಯಾಯಿನ ಫೋಟೊ ಸ್ಟುಡಿಯೋ: 6 ಲಕ್ಷದಾತ್ ನಷ್ಟ
ತೆಡಿಲ್ದ ಪೆಟ್ಟ್‌ಗ್ ಶಾರ್ಟ್ ಸರ್ಕ್ಯೂಟ್ ಆದ್ ಫೋಟೊ ಸ್ಟುಡಿಯೋ ಸುಡು ಸೂಕರಿಯಾತಿನ ನಡಕೆ ಪುತ್ತೂರುಡು ಇನಿ ಬಯ್ಯಡ್ ನಡತ್‌ದ್ಂಡ್.
ಪುತ್ತೂರುದ ಜಿಎಲ್ ಕಾಂಪ್ಲೆಕ್ಸ್‌ಡುಪ್ಪುನ ಆ್ಯಡ್‌ಲ್ಯಾಬ್ಸ್ ಭಸ್ಮ ಆತಿನ ಪೋಟೊ ಸ್ಟುಡಿಯೋ.
ತೆಡಿಲ್ ಆಕ್‌ದ್ ಆತ್ ಮಲ್ಲ ಅಘಾತ ಆಂಡಲಾ ಅಲ್ಪನೇ ಇತ್ತಿನ ಸಿಬ್ಬಂದಿಲು ಒವ್ವೇ ಉಂಬರದಾಂತೆ ಬಚಾವಾತೆರ್.
ತೆಡಿಲ್ದ ಪೆಟ್ಟ್‌ಗ್ ಸ್ಟುಡಿಯೋಡಿತ್ತಿನ ಸೊತ್ತುಲು ಅಲಕ್ಕ ಪೊತ್ತುದ್ ಪೋತ. ಕಂಪ್ಯೂಟರ್ ಸಿಸ್ಟಂ, ಫೋಟೊ ಮೆಷಿನರಿ, ಪ್ಯಾನ್, ಫೋಟೋ ಆಲ್ಬಂ, ಇಂಚ ಇತ್ತಿನ ಸೊತ್ತುಲು ಮಾತ ಪೊತ್ತುದು ಸುಡು ಸೂಕರಿಯಾತ.
ಪೊನ್ನಪ್ಪ ಪನ್ಪಿನಾರೆನ ಈ ಆ್ಯಡ್‌ಲ್ಯಾಬ್ಸ್ ಸ್ಟುಡಿಯೋ ಪೊತ್ತುದ್ ಸುಮಾರ್ 6 ಲಕ್ಷ ನಷ್ಟ ಆತ್ಂಡ್ ಪಂದ್ ಅಂದಾಜಿ ಮಲ್ದೆರ್. ನಡಕೆದ ಒಲವು ತಿಕ್ಕಿನೇ ಅಗ್ನಿಶಾಮಕ ದಳ ಬೊಕ್ಕ ಮುಟ್ಟದಕುಲು ಸೂ ತೆಕ್ಕಾದೆರ್.
ಗಣೇಶ್ ಪ್ರಸಾದ್ ಹೋಟೆಲ್ ಸಿಬ್ಬಂದಿಲು ಬತ್ತ್‌ದ್ ಸೂ ತೆಕ್ಕಾಯೆರ ಸಕಾಯ ಮಲ್ದೆರ್. ಗ್ರಾಹಕೆರೆಗ್ ಕೊರೊಡಿತ್ತಿನ ಕೆಲವು ಮದಿಮೆದ ಆಲ್ಬಂಲು ಪೊತ್ತುದು ಪೋತ ಪಂದ್ ತೆರಿದ್‌ಬೈದ್ಂಡ್.