Last updated on October 14th, 2023 at 08:41 am
ಉಚ್ಚಿಲ ಮಹಾಲಕ್ಷ್ಮೀ ದೇವಲ್ಯೊಡು ಅಕ್ಟೋಬರ್ 15ರ್ದ್ 24 ಮುಟ್ಟ ಮಾರ್ನೆಮಿದ ಲೆಕ್ಕೊಡು ಉಚ್ಚಿಲ ದಸರಾ ಅಂಚೆನೆ ಯುವ ದಸರಾದ ಲೇಸ್‌ಗ್ ಅಟ್ಟನೆ ಆತ್ಂಡ್.
ದೇವಲ್ಯದ ಕೈತಲ್ದ ಶಾಲಿನಿ ಜಿ. ಶಂಕರ್ ಸಭಾಂಗಣೊಟು ನವದುರ್ಗೆಲೆನ ಅಂಚೆನೆ ಅಪ್ಪೆ ಶಾರದೆನ ಒರುನು ಪ್ರತಿಷ್ಟೆ ಮಲ್ತ್ ಉಚ್ಚಯೊದ ಉದಿಪನ ಆವರೆ ಉಂಡು. ಜಿಲ್ಲಾಧಿಕಾರಿ ಡಾ॥ವಿದ್ಯಾ ಕುಮಾರಿ ಮೇರ್ ಉದಿಪನ ಮಲ್ಪರೆ ಉಲ್ಲೆರ್.
ಅಕ್ಟೋಬರ್ 24ಕ್ಕ್ ಬಯ್ಯಗ್ ಉಚ್ಚಿಲರ್ದ್ ಕಾಪು ಮುಟ್ಟ ಶೋಭಾಯಾತ್ರೆ ನಡತ್ ಕಾಪುದ ಕಡಲಕರೆಟ್ ಕಾಶಿದ ಪುರೋಹಿತೆರೆನ ದುಂಬುದೇಕಿಡ್ ಗಂಗಾರತಿ, ಸಾರ ಮಂಗಳಾರತಿ ಬೊಕ್ಕ ಒರುಕುಲೆನ್ ಕಡಲ್ ಪಾಲ್ ಮಲ್ಪರೆ ಉಂಡು.
ತುಳುನಾಡೊರ್ಮೆದ ಲಕ್ಷಾಂತರ ಜನೊಕುಲು ಬರ್ಪಿನ ನಿರೀಕ್ಷೆ ಉಂಡು ಅಂಚೆನೆ ಸಾಂಸ್ಕೃತಿಕ ಕಾರ್ಯಕ್ರಮೊಲು, ಪ್ರದರ್ಶನೊಲು ದಿನಾಲ ನಡಪರೆ ಉಂಡು.