Last updated on October 11th, 2023 at 12:01 pm
ಮೂಡಿಗೆರೆ ತಾಲೂಕುದ ದೇವೆರೆಮನೆ ಪನ್ಪಿನ ಜಾಗೊಗು ತಿರ್ಗರೆ ಪೋದಿತ್ತಿನ ಬೊಲ್ತೇರ್‌ದ ಕೊಯ್ಯೂರು ಗ್ರಾಮದ ದೀಕ್ಷಿತ್(27) ಅಕ್ಟೋಬರ್ 10ಕ್ಕ್ ಅಂಗಾರೆ ಬಯ್ಯಡ್ ನಾಪತ್ತೆ ಆತಿನ ಪ್ರಕರಣದ ಬಗೆಟ್ ಇನಿ ಕಾಂಡೆ ಮೇರ್ ಇಲ್ಲದ ಕೈತಲ್ ಮೋರಿದಲ್ಪ ಕುಲ್ದಿನ ತೂದು ಊರುದಕುಲು ಇಲ್ಲಗ್ ಕೊನೊದು ಬುಡ್ತೆರ್.
ಈ ಪ್ರಕರಣದ ಬಗೆಟ್ ಸ್ಥಳೀಯೆರ್ ಅಂಚೆನೆ ಬಣಕಲ್ ಪೋಲೀಸೆರ್ ಬೊಕ್ಕ ಅರಣ್ಯ ಇಲಾಖೆದಕುಲು ಮೆರೆನ್ ನಾಡೊಂದಿತ್ತೆರ್. ದೀಕ್ಷಿತ್ ಬೊಕ್ಕ ಅವ್ವೇ ಗ್ರಾಮದ ಅರೆನ ಪಾಸಾಡಿಲು ಒಟ್ಟು ಸೇರ್ದ್ ದೇವರಮನೆಕ್ ತಿರ್ಗರೆ ಪೋದಿತ್ತೆರ್. ಅಲ್ಪ ಆ ಜವನೆರೆನ ನಡುಟು ಒವ್ವಾ ವಿಷಯೊಗು ಪಾತೆರದ ಮಿತ್ತ್ ಪಾತೆರ ಆದ್ ಲಡಯಿ ಸುರು ಆದಿತ್ತ್ಂಡ್. ಉಂದೆರ್ದಾವರ ಪಿಸಿರಾಯಿನ ದೀಕ್ಷಿತ್ ಅಕಲೆನ್ ಬುಡ್ದ್ ಒರಿಯೇ ಪೋದಿತ್ತೆರ್. ಅಲ್ಪ ಸುತ್ತಮುತ್ತ ಮೈಂದ್ ಇತ್ತಿನೆರ್ದಾವರ ನಾಡರೆ ಬಂಗ ಆದ್ ಇನಿ ಕಾಂಡೆ ಕುಡ ನಾಡರೆ ಪತ್ತಿಯೆರ್.
ಇತ್ತೆ ದೀಕ್ಷಿತ್ ಒವ್ವಾ ಬೇತೆ ಗಾಡಿಡ್ ಊರುಗು ಬೈದಿನ ಬಗೆಟ್ ಬಣಕಲ್ ಪೋಲೀಸೆರೆಗ್ ಇಲ್ಲದಕುಲು ತೆರಿಪಾದೆರ್ ಅಂಚಾದ್ ಪ್ರಕರಣ ಎಡ್ಡೆಡ್ ಕೊಡಿ ಎತ್ತ್ಂಡ್.