Last updated on November 25th, 2023 at 09:57 am
ಕುಡ್ಲ : ಕುಡ್ಲನ್ ಪ್ರವಾಸಿತಾಣ ಮಲ್ಪರೆ 50ಕೋಟಿ ರೂಪಾಯಿ ವಿಶೇಷ ಅನುದಾನ ಅಂಚೆನೆ ನಗರದ ಅಭಿವೃದ್ದಿಗ್ ಪಾಲಿಕೆಗ್ 25ಕೋಟಿ ರೂಪಾಯಿ ಅನುದಾನೊನು ಬೇಗೊಡು ಬುಡುಗಡೆ ಮಲ್ಪುವ ಪನ್ದ್ ನಗರಾಭಿವೃದ್ದಿ ಸಚಿವೆಯಾಯಿನ ಭೈರತಿ ಸುರೇಶ್ ಪನ್ಡೆರ್.
ಕುಡ್ಲದ ಅಭಿವೃದ್ದಿಡ್ ಒವ್ವೇ ರಾಜಕೀಯ ಇಜ್ಜಿ. ಜನಕ್ಲೆನ ತೀರ್ವೆದ ಪನವು ಜನಕುಲೆಗೇ ಗಲಸುಲೆಕ್ಕ ಆವೊಡು ಪನ್ದ್ ಪನ್ಡೆರ್. 749 ಕೋಟಿ ಕರ್ಚಿಡ್ ಕುಡ್ಲದ ಸ್ಮಾರ್ಟ್ ಸಿಟಿ ಬೇಲೆಲು ಆವೊಂದುಲ್ಲ, 24 ಬೇಲೆಲು ಆವೊಂದುಲ್ಲ. ರಾಜ್ಯೊಡೇ ಅತ್ಯುತ್ತಮ ಪನ್ಪಿನಂಚಿನ ಎರ್ಮೆಕಲತ ಮೀಂದುನ ಕಲ ಆತ್ಂಡ್ ಪನ್ದ್ ಪನ್ಡೆರ್.
ಈ ಪೊರ್ತುಡು ಎರ್ಮೆಕಲತ ಮೀಂದಿನ ಕಲ ಉದಿಪನ ಲೇಸ್ ದ ಗುರ್ಕಾರ್ಮೆ ವೈಸೊಂದಿತ್ತಿನ ವೇದವ್ಯಾಸ ಕಾಮತೆರ್ ಪಾತೆರ್ದ್, ಸ್ಮಾರ್ಟ್ ಸಿಟಿ ಯೋಜನೆದ ಮೂಲಕ ಕುಡ್ಲ ಅಭಿವೃದ್ದಿದಂಚಿ ಮಲ್ಲ ಬಕ್ಕಾರ್ ಪಾಡೊಂದುಂಡು. ಪಿಪಿಪಿ ಮಾದರಿಡ್ ಕುಡ್ಲದ ಸೆಂಟ್ರಲ್ ಮಾರ್ಕೇಟ್ ಬುಲೆಚ್ಚಿಲ್ ಆವೊಂದುಂಡು ಪನ್ದ್ ಪನ್ಡೆರ್.