Last updated on November 30th, 2023 at 03:09 pm
ಬಂಟ್ವಾಳ: ಸಜೀಪಡ್ ಅಕ್ರಮವಾದ್ ಪೊಯ್ಯೆ ಸಾಗಾಟ ಮಲ್ತೊಂದಿತ್ತಿನ ಲಾರಿ ಬೊಕ್ಕ ಪೊಯ್ಯೆನ್ ಪೊಲೀಸೆರ್ ಪತ್ತ್‌ದ್ ವಶೊಕು ಗೆತೊಂದೆರ್.
ಸಜೀಪರ್ದ್ ಚೇಳೂರುದಂಚಿಗ್ ಲಾರಿ ಪೋವೊಂದಿತ್ತಿನ ಪೊರ್ತುಡು ಪೊಲೀಸೆರ್ ಈ ಕಾರ್ಯಾಚರಣೆ ಮಲ್ದೆರ್. ಪೊಲೀಸೆರ್ ವಶೊಕು ಗೆತೊಂದಿನ ಲಾರಿ ಬೊಕ್ಕ ಪೊಯ್ಯೆದ ಮೌಲ್ಯ ಒಟ್ಟು 2 ಲಕ್ಷ 5 ಸಾವಿರ ಪಂದ್ ಅಂದಾಜಿ ಪಾಡ್ದೆರ್.
ಸಜೀಪ ಸುದೆಬರಿಟ್ ಅಬ್ದುಲ್ ರಹಮಾನ್ ಪನ್ಪಿನ ಜನ ಪೊಯ್ಯೆ ದೆಪ್ಪಾವೊಂದಿತ್ತ್‌ದ್, ಆ ಜನ ಲಾರಿಗ್ ಲೋಡ್ ಮಲ್ತ್‌ದ್ ಕಡಪುಡ್ದಿನ ಬಗೆಟ್ ಲಾರಿ ಡ್ರೈವರ್ ಮಹಮ್ಮದ್ ಶಾಫಿ ಪೋಲೀಸೆರೆಗ್ ತೆರಿಪಾದೆರ್.
ಲೈಸೆನ್ಸ್‌ದಾಂತೆ ಪೊಯ್ಯೆ ಸಾಗಾಟ ಮಲ್ತೊಂದಿತ್ತಿನ ಲಾರಿದೊಟ್ಟುಗು ಡ್ರೈವರ್‌ನ ಮಿತ್ತ್ ಪ್ರಕರಣ ದಾಖಲಾತ್ಂಡ್.