Last updated on November 16th, 2023 at 07:27 pm
ನೆಲ್ಯಾಡಿ: ಕುಡ್ಲ- ಬೆಂಗ್ಳೂರ್ ರಾಷ್ಟ್ರೀಯ ಪೆರ್ಸಾದಿ 75ತ ಕೊಣಾಲ್ ಗ್ರಾಮೊದ ಕೋಲ್ಪೆ ಪಲ್ಲಿದ ಎದುರು ಉಂತಾದಿತ್ತಿನ ಲಾರಿಗ್ ಬೈಕ್ ಎಡ್ತ್‌ದ್ ಬೈಕ್ ಬುಡೊಂದಿತ್ತಿನಾಯಗ್ ಗಾತಿದ ಪೆಟ್ಟಾತಿನ ನಡಕೆ ಇನಿ, ನವೆಂಬರ್ 16ತ ಮಧ್ಯಾಹ್ನ ನಡತಿತ್ತ್ಂಡ್.
ಪೆಟ್ಟಾತಿನಾರೆನ್ ಅಪಗನೇ ನೆಲ್ಯಾಡದ ಅಶ್ವಿನಿ ಆ್ಯಂಬ್ಯುಲೆನ್ಸ್‌ಡ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ದೆರ್.
ತೀರ್ದಿನಾರೆನ್ ಬಂಟ್ವಾಳ ತಾಲೂಕು ಕರೋಪಾಡಿ ನಿವಾಸಿ ದೀಕ್ಷಿತ್(23ವ.) ಪಂದ್ ಗುರ್ತ ಪತ್ತ್‌ದೆರ್.
ನಡಕೆದ ವಿವರ:
ಉಬಾರ್‌ರ್ದ್ ನೆಲ್ಯಾಡಿದಂಚಿ ಬೈಕ್ ಬುಡೊಂದು ಬನ್ನಗ ಕೋಲ್ಪೆ ಪನ್ಪಿನವುಲು ರಾಷ್ಟ್ರೀಯ ಪೆರ್ಸಾದಿದ ಬರಿಟ್ ಉಂತಾದಿತ್ತಿನ ಲಾರಿಗ್ ಬೈಕ್ ಎಡ್ತ್‌ದ್ಂಡ್.
ಲಾರಿ ಡ್ರೈವರ್ ಕೋಲ್ಪೆಡ್ ಲಾರಿ ಉಂತಾದ್ ಹೊಟೇಲ್‌ಗ್ ವನಸ್‌ಗ್ ಪೋದಿತ್ತೆರ್ ಪಂದ್ ವರದಿಯಾತ್ಂಡ್.