ಇನ್ನಂಜೆ ಗ್ರಾಮೊಗು ಸರಕಾರಿ ಬಸ್ಸ್ ಕೊರೊಡು ಪನ್ದ್ ಸಾರಿಗೆ ಸಚಿವೆರೆಗ್ ಮನವಿ

Last updated on November 17th, 2023 at 03:06 pm

ಇನ್ನಂಜೆ ಗ್ರಾಮೊಡು ಸುಮಾರ್ 3500ದಾತ್ ಮತದಾರೆರ್ ಉಲ್ಲೆರ್ ಅತ್ತಂದೆ ಪುಗಾರ್ತೆದ ಪದವಿ ಪೂರ್ವ ಕಾಲೇಜು, ದೇವಲ್ಯ, ಪ್ರಾಥಮಿಕ ಆರೋಗ್ಯ ಕೇಂದ್ರ ಇತ್ತ್ ಈ ಭಾಗದ ಜನಕ್ಲೆಗ್ ಮೂಲ ಸೌಕರ್ಯವಾಯಿನ ಬಸ್ಸ್ ದ ವ್ಯವಸ್ಥೆ ಇಜ್ಜಿ. ಈ ದುಂಬು ಕೆಲವು ಖಾಸಗಿ ಬಸ್ಸುಲು ಬರೊಂದಿತ್ತ್, ಇಂಚೊಗು ಸಮಗಟ್ಟ್ ಪೊರ್ತುಗು ಬರಂದೆ ಜನಕ್ಲೆಗ್ ಮಸ್ತ್ ಸಮಸ್ಯೆ ಆತ್ಂಡ್. ಪೊಂಜೊವುಲು ಬೊಕ್ಕ ವಿದ್ಯಾರ್ಥಿಲು ಬೇಲೆದ ಲೆಕ್ಕೊಡು ಬೊಕ್ಕ ಕಲ್ಪರೆ ಒಡಿಪು, ಮಣಿಪಾಲ, ಕಾಪು, ಶಿರ್ವೊಗು ಪೋಪಿನಕುಲು ಉಲ್ಲೆರ್, ಅಕಲೆಗ್ ಅನುಕೂಲ ಅಪಿಲೆಕ್ಕ ಸರಕಾರಿ ಬಸ್ಸ್ ನ್ ಈ ಭಾಗದ ಜನಕ್ಲೆಗ್ ಮಲ್ಪಾದ್ ಕೊರೊಡು ಪನ್ದ್ ಸಾರಿಗೆ ಸಚಿವೆರಾಯಿನ ಶ್ರೀ ರಾಮಲಿಂಗ ರೆಡ್ಡಿ ಮೆರೆಗ್ ಕ್ಷೇತ್ರದ ಮಾಜಿ ಶಾಸಕೆರಾಯಿನ ಶ್ರೀ ವಿನಯ್ ಕುಮಾರ್ ಸೊರಕೆ ಮೆರೆನ ಮೂಲಕ ಮನವಿ ಪತ್ರೊನು ಕೊರಿಯೆರ್.

ಈ ಪೊರ್ತುಡು ಗ್ರಾಮದಕಲೆನ ಲೆಕ್ಕೊಡು ಗ್ರಾಮೀಣ ಕಾಂಗ್ರೆಸ್ ಸಮಿತಿ ಇನ್ನಂಜೆ – ಪಾಂಗಾಳ, ಅದ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಪಾಂಗಾಳ, ಮಾಜಿ ಅಧ್ಯಕ್ಷೆರಾಯಿನ ಲಕ್ಷಣ ಕೆ ಶೆಟ್ಟಿ, ಸುರೇಶ್ ಎಮ್ ಫೂಜಾರಿ , ರವಿರಾಜ್ ಶಂಕರಪುರ, ಶ್ರೀಮತಿ ಸುಮಲತ , ಇನ್ನಂಜೆ ಪಂಚಾಯಿತ್ ಸದಸ್ಯೆಯಾಯಿನ ಶ್ರೀಮತಿ ಅನಿತಾ ಮಥಾಯಿಸ್ , ಶ್ರೀ ರಮೇಶ್ ಕೋಟ್ಯಾನ್ , ಕಾರ್ತಿಕ್ ಅಮಿನ್ ಕಲ್ಲುಗುಡ್ಡೆ, ಸದಾಶಿವ ಪೂಜಾರಿ, ವರುಣ್ ಬಿ ಕೋಟ್ಯಾನ್, ಸಂಧ್ಯಾ ಬಿ ಕೋಟ್ಯಾನ್, ಬಾಲಕೃಷ್ಣ ಆರ್ ಕೋಟ್ಯಾನ್ ಇತ್ತೆರ್.