Last updated on November 15th, 2023 at 10:18 am
2019, ಏಪ್ರಿಲ್ 1ರ್ದ್ ದುಂಬು ಗೆತೊಂದಿನ ಗಾಡಿಲೆಗ್ ಹೆಚ್ಎಸ್ಆರ್‌ಪಿ ನಂಬರ್ ಪ್ಲೇಟ್ (HSRP Number Plate) ಪಾಡ್ಪಾವುನ ಕಡ್ಡಾಯ ಮಲ್ತ್‌ದ್ ಆದೇಶ ಆದಿತ್ತ್ಂಡ್. ಉ್ಂದೆಕ್ ನವೆಂಬರ್ 17ತ ಡೆಡ್‌ಲೈನ್‌ಲಾ ಕೊರ್ದಿತ್ತೆರ್. ಇತ್ತೆ ಈ ಗಡುನು ಮೂಜಿ ತಿಂಗೊಲು ದುಂಬು ಕೊನೊದು ಫೆಬ್ರವರಿ 17, 2024 ಮುಟ್ಟ ಎಚ್ಚ ಮಲ್ದೆರ್. ಅಂಚಾದ್ ಗಾಡಿದಕುಲೆ ಮಲ್ಲ ರಿಲೀಫ್ ತಿಕ್ಕಿಲೆಕ ಆತ್ಂಡ್.
ಈ ಬಗೆಟ್ ಸುದ್ದಿಗಾರೆರೆಡ ಒಲವು ಪಟ್ಟೊಂಡಿನ ಸಾರಿಗೆ ಸಚಿವೆ ರಾಮಲಿಂಗಾರೆಡ್ಡಿ (Minister Ramalingareddy) HSRP ನಂಬರ್ ಪ್ಲೇಟ್‌ಲೆನ್ ಪಾಡ್ಪಾವೊನ್ನ ಗಡು ಎಚ್ಚ ಮನ್ಪೆರ ವಾಹನ ಸವಾರೆರ್ ಬಿನ್ನೈತೊಂದಿತ್ತೆರ್. ಈ ಬಿನ್ನಪುದ ಬಗೆಟ್ ಸರ್ಕಾರ ಪರಿಶೀಲನೆ ಮಲ್ತೊಂದುಂಡು. ಒಂತೆ ಜನ ಈ ಇಸಯೊನು ಕೋರ್ಟ್‌ಗ್ ಕೊನೊತಿನೆರ್ದಾವರ ಕಂಡೆಸ್ಸೊಂದುಂಡು ಪಂದ್ ಪಂಡೆರ್.
ಕರ್ನಾಟಕೊಡು HSRP ಗೆತೊನುನು ಎಂಚ?
ಕರ್ನಾಟಕ ಸಾರಿಗೆ ಇಲಾಖೆಯ ವೆಬ್‌ಸೈಟ್ – https://transport.karnataka.gov.in ಅತ್ತ್ಂಡ www.siam.in ಗ್ ಪೋದು Book HSRP ಗ್ ಕ್ಲಿಕ್ ಮನ್ಪೊಡು. ಬೊಕ್ಕ ನಿಕಲ್ನ ಗಾಡಿದ ಕಂಪೆನಿನ್ ಅಜತ್‌ದ್ ಅಲ್ಪ ಕೇಂಡಿನ ಕೇನ್ಪುಲೆಗ್ ಸದು ಕೊರೊಂದು ಗಾಡಿದ ಒಲವು ದಿಂಜಾವೊಡು. ಬೊಕ್ಕ ,HSRPನ್ ಅಂಟಾಯೆರ ನಿಕ್ಲೆಗ್ ಅನುಕೂಲ ಆಪಿನ ಡೀಲರ್‌ ಅಜತ್‌ದ್ ಆನ್‌ಲೈನ್‌ಡೇ HSRP ಫೀ ಕಟ್ಟೆರ ಇಪ್ಪುಂಡು. ಒವ್ವೇ ಪೇಮೆಂಟ್ ಕೈಟ್ ಕಾಸ್ ಕೊರ್ದು ಮಲ್ಪುನಂಚಿನ ಇಪ್ಪುಜಿ. ಆನ್‌ಲೈನ್ ಮಾತ್ರ.
ಒಂಜಿ ಒಟಿಪಿ ಗಾಡಿದಾರೇನ ಮೊಬೈಲ್‌ಗ್ ಬರ್ಪುಂಡು. ಅಕುಲು ತನ್ಕುಲೆ ಅನುಕೂಲೊಗು HSRP ಪಾಡ್ಪಾವುನ ತೇದಿ ಬೊಕ್ಕ ಪೊರ್ತುನು ಅಜತೊನೊಲಿ. ಗೊತ್ತು ಮಲ್ದಿನ ಪೊರ್ತುಗು ಗಾಡಿದಕುಲು HSRP ನಂಬರ್ ಪ್ಲೇಟ್ ಪಾಡ್ಪಾಯೆರ ಡೀಲರ್‌ನಡೆ ಅತ್ತ್ಂಡ ಕಂಪೆನಿದಡೆ ಪೋವೊಡಾಪುಂಡು. ಕೆಲ ಕಂಪೆನಿದಕುಲು ಇಲ್ಲ ಇಲ್ಲಗ್ ಪೋದು HSRP ಸೇವೆನ್ ಕೊರೊಂದುಲ್ಲೆರ್.