Last updated on November 14th, 2023 at 09:44 am
ಗಣಿ ಬೊಕ್ಕ ಭೂ ವಿಜ್ಞಾನ ಇಲಾಖೆದ ಅಧಿಕಾರಿಲು ಸರಕಾರದ ಕಣ್ಣ್‌ಗ್ ಮಣ್ಣ್ ಪಾಡ್ದ್ ರಾಯಧನ ನಿಗದಿ ಮಲ್ಪುನ ಬಗೆಟ್ ಗೊಬ್ಬಿನ ಪ್ರಕರಣೊಗು ಇತ್ತೆ ಪಿರಜೀವ ಬರ್ರೆ ಸಾಧ್ಯತೆ ಉಂಡು. ಸಾರ್ವಜನಿಕ ಲೆಕ್ಕ ಪತ್ರ ಸಮಿತಿದ ಎದುರು ಇತ್ತೆ ಈ ಪ್ರಕರಣದ ಫೈಲುಲು ಬೈದ.
ಮಾಜಿ ಸಚಿವೆ ಆರ್.ಅಶೋಕ್‌ನ ಅಧ್ಯಕ್ಷತೆಡ್ ಉಪ್ಪುನ ಪಿಎಸಿದ ಎದುರು 2009-10, 2014-15ಕ್ಕ್ ನಡತಿನ ರಾಯಧನ ವಂಚನೆ ಪ್ರಕರಣದ ವಿಚಾರಣೆ ಕುಡ ಸುರು ಆಪಿಲೆಕ್ಕ ಉಂಡು. ಈ ಬಗೆಟ್ ಗಟ್ಟಿಮುಟ್ಟುದ ಕ್ರಮೊನು ಸಮಿತಿ ಮಲ್ತ್ಂಡ ಅಧಿಕಾರಿಲೆಗ್ ಬೊಕ್ಕ ಗಣಿಗುತ್ತಿಗೆದಾರೆರೆಗ್ ಕಂಟಕ ಆಪಿನ ಸಾಧ್ಯತೆ ಉಂಡು. ಅದಿರ್‌ದ ಮೌಲ್ಯೊನು ಕಮ್ಮಿ ಮಲ್ತ್ ಸರಕಾರದ ರಾಜಧನೊಕು ಪೆಟ್ಟ್ ಕೊರ್ತಿನ ವಿಷಯೊಡು ಪ್ರಕರಣ ಮಲ್ಲ ಆಪಿಲೆಕ್ಕ ಉಂಡು.