ಕುಡ್ಲ: ಸಾಂಕುನ ನಾಯಿಲೆಗ್ ಪಾಲಿಕೆರ್ದ್ ಲೈಸೆನ್ಸ್ ಗೆತೊನೆರೆ ಸಾರ್ವಜನಿಕೆರೆಗ್ ಸೂಚನೆ

Last updated on November 28th, 2023 at 10:39 am

ಕುಡ್ಲ: ಕುಡ್ಲ ಮಹಾನಗರ ಪಾಲಿಕೆ ಸೀಮೆದ 60 ವಾರ್ಡ್‌ಲೆಡ್ ಪರಕ್ಕೊಲಿ ನಾಯಿಲೆನ ಉಪದ್ರ ಎಚ್ಚ ಆದಿತ್ತ್‌ದ್ ಈ ನಾಯಿಲು ತುಚ್ಚುನ ಸಂಖ್ಯೆಲಾ ಎಚ್ಚನೇ ಉಂಡು.

ಅಂಚಾದ್ ಪೇಂಟೆದ ಸಾರ್ವಜನಿಕೆರೆ ಆರೋಗ್ಯೊಗು ಬಾರೀ ಪೆಟ್ಟ್ ಬೂರೊಂದುಂಡು ಅಂಚೆನೇ ಪೇಂಟೆಡ್ ರೇಬಿಸ್ ಸೀಕ್ ಪಗರುನ ಸಂಭವ ಎಚ್ಚ ಆತ್ಂಡ್. ಈ ಮಾತ್ ಪ್ರಕರಣೊಲೆನ್ ಅಂಕೆಡ್ ದೀವೊನರೆ ಬೋಡಾದ್ ಪಾಲಿಕೆ ನಗರೊಡು ಸಾಂಕುನ ನಾಯಿಲೆಗ್ ಲೈಸೆನ್ಸ್ ಗೆತೊನುನ ಕ್ರಮ ಗೆತೊಈದುಂಡು.

ದಾಖಲೆಲು: ಸಾರ್ವಜನಿಕೆರ್ ತನ್ಕುಲೆ ತಾಂಕನದ ನಾಯಿಲೆಗ್ ಪಾಲಿಕೆರ್ದ್ ಲೈಸೆನ್ಸ್ ಗೆತೊನೆರ ಅರ್ಜಿ ಪ್ರತಿ ದೆತೊನೊಡು. ವ್ಯಾಕ್ಸಿನ್ ದಾಖಲೆ, ಮಾಲೀಕೆರೆ ಆಧಾರ್ ಕಾರ್ಡ್, ಬರಿತಿಲ್ಲದಕ್ಲೆನ NOC, ನಾಯಿದ 2 ಫೋಟೋ ಇಂಚಿನ ದಾಖಲೆಲೆನ್ ಸಂದಾದ್ ಲೈಸೆನ್ಸ್ ಗೆತೊನೊಡು.

ಅಂಚೆನೇ ಸಾಂಕುನ ಪ್ರಾಣಿಲೆನ್ ಬೊಕ್ಕ ಕಿನ್ನಿಲೆನ್ ಸಾದಿ ಬರಿಟ್ ಬುಡ್ಪುನವು ಅಂಚೆನೇ ಸಾರ್ವಜನಿಕೆರೆಗ್ ತೊಂದರೆ ಉಂಡು ಮನ್ಪುನು ತೋಜಿದ್ ಬತ್ತ್ಂಡ ಆ ಪ್ರಾಣಿಲೆನ ಮಾಲೀಕೆರೆ ಮಿತ್ತ್ ಪಾಲಿಕೆ ನಿರ್ದಾಕ್ಷಿಣ್ಯವಾದ್ ಕ್ರಮ ಗೆತೊನೂಂಡು ಪಂದ್ ಕುಡ್ಲ ಮಹಾನಗರಪಾಲಿಕೆದ ಆಯುಕ್ತೆರ್ ಪ್ರಕಟಣೆಡ್ ತೆರಿಪಾದೆರ್.