Last updated on November 14th, 2023 at 11:55 am
ಕುಡ್ಲ: ತೋರ ಉಲ್ಲೆ, ಏತ್ ಬಂಙ ಬತ್ತ್ಂಡಲಾ ಸಪುರ ಆವೊಂದಿಜ್ಜಿ ಪಂಡ್‌ದ್ ಕುಡ್ಲಡ್ MBBS ವಿದ್ಯಾರ್ಥಿನಿಯೊರ್ತಿ ಆತ್ಮಹತ್ಯೆ ಮಲ್ತೊಂದಲ್.
ಬೆಳಗಾವಿದ ಅಥಣಿ ಮೂಲೊದ ಪ್ರಕೃತಿ ಶೆಟ್ಟಿ (20) ಆತ್ಮಹತ್ಯೆ ಮಲ್ತೊಂದಿನ ಜವನ್ದಿ. ಮೋಲು ಕುಡ್ಲದ ಎಜೆ ಮೆಡಿಕಲ್ ಕಾಲೇಜಿಡ್ ಕಲ್ತೊಂದಿತ್ತಲ್. ಸೋಮಾರ ಕಾಂಡೆ 3 ಗಂಟೆಗ್ ಕಾಲೇಜಿದ ಹಾಸ್ಟೆಲ್‌ ಕಟ್ವಾನೊದ 6ನೇ ಮಾಲಿಗೆರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದಲ್. ಜೀವನೊಡು ಹತಾಶೆ ಆದ್ ಆತ್ಮಹತ್ಯೆ ಮಲ್ತೊಂದುಲ್ಲೆ ಪಂದ್ ಡೆತ್ನೋಟ್ ಬರೆದ್ ದೀದಿತ್ತಲ್. ಈ ಬಗೆಟ್ ಕದ್ರಿ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.
ತನ್ನ ಆತ್ಮಹತ್ಯೆದ ಬಗೆಟ್ ಡೆತ್ನೋಟ್ ಬರೆದ್ ದೀತಿನ ಜವನ್ದಿ ” ಯಾನ್ ಮಸ್ತ್ ತೋರ ಉಲ್ಲೆ. ಎನ್ನ ಸೌಂದರ್ಯೊಗು ತೋರ ಇಪ್ಪುನವು ಅಡ್ಡ ಆತ್ಂಡ್. ತೂಕ ಕಮ್ಮಿ ಮನ್ಪೆರ ಏತ್ ತೂಂಡಲಾ ಆಯಿಜಿ. ಅಂಚಾದ್ ಜೀವನೊಡು ಜಿಗುಪ್ಸೆ ಆತ್ಂಡ್ ” ಪಂದ್ ಮಾತಾ ಬರೆತಲ್.
ಪ್ರತಿ ಸಮಸ್ಯೆರ್ದ್ ಪಿದಯಿ ಬರ್ಯೆರ ಒವ್ವಾಂಡಲಾ ಒಂಜಿ ಸಾದಿ ಇತ್ತ್‌ದೇ ಇಪ್ಪುಂಡು. ಅತ್ತ್ಂಡ ಆ ಸಮಸ್ಯೆನೇ ಸಾದಿ ಮನ್ತೊನುನಲಾ ಒಂಜಿ ಸಾದಿಯೇ. ಜವನಟಿಗೆಡ್ ಏರ್ಲಾ ಮಾನಸಿಕವಾದ್ ಕೊಲಲಡ್ ಇತ್ತರ್ನ್ಡ, ಖಿನ್ನತೆಡ್ ಇತ್ತರ್ನ್ಡ ನಿಕಲೆನ ಅಪ್ಪೆ ಅಮ್ಮೆ ಆವಡ್, ಪಾಸಾಡಿಲಾವಡ್ ಅತ್ತ್ಂಡ ಮುಟ್ಟದಕಲೆಡ ಆವಡ್ ಏರೆಡಾಂಡಲಾ ಪನ್ಡೊನ್ಲೆ. ಕೋಪದ ಕೈಟ್ ಬುದ್ಧಿ ಕೊರಡೆ. ನಿಕಲೆನ್ ಈತ್ ಮಲ್ಲೆ ಮನ್ಪೆರೆ ನಿಕ್ಲೆನ ಅಪ್ಪೆ ಅಮ್ಮೆ ಬೈದಿ ಬಂಙೊಗಾಂಡಲಾ ಬಿಲೆ ಕೊರ್ದು ಜೂವ ದೆತ್ತೊನುನಂಚಿನ ಬೇಲೆಗ್ ಕೈ ಪಾಡಡೆ.