Last updated on November 30th, 2023 at 11:16 am
ದೇಶೊಡು ಸಿಮ್ ಕಾರ್ಡ್ ಗಲಸ್‌ದ್ ನಡಪುನ ವಂಚನೆಲೆನ್ ಉಂತಾವುನ ನಿಲೆಟ್ ಸಿಮ್ ದೆತೊನರೆ ಅಂಚೆನೆ ಮಾರರೆ ಸರಕಾರ ಕೆಲವು ನಿಯಮೊಲೆನ್ ಮಲ್ದ್ಂಡ್. ಡಿಸೆಂಬರ್ 1ರ್ದ್ ಈ ನಿಯಮೊಲು ಜಾರಿಗ್ ಬರ್ಪ, ಸಿಮ್ ಮಾರುನಕುಲು ಅಂಚೆನೆ ದೆತೊನುನಕುಲು ಕಡ್ಡಾಯವಾದ್ ಈ ನಿಯಮೊಲೆನ್ ಪಾಲನೆ ಮಲ್ಪೊಡು.
ಸಿಮ್ ಮಾರುನಕುಲು ಸಮಗ್ರ ಪರಿಶೀಲನೆ ಮಲ್ಪೊಡು. ಸಿಮ್ ಮಾರುನಕಲೆನ ಪೋಲೀಸ್ ವೇರಿಫಿಕೇಶನ್‌ದ ಜಬದಾರಿ ಟೆಲಿಕಾಂ ಕಂಪೆನಿಲು ತೂವೊನೊಡು. ಸಿಮ್ ಮಾರಿನದಗನೇ ರಿಜಿಸ್ಟರ್ ಮಲ್ಪೊಡು, ತತ್ತ್ಂಡ 10 ಲಕ್ಷ ದಂಡ ಬೂರುಂಡು.
ಪೊಸ ಸಿಮ್ ಕಾರ್ಡ್ ದೆತೊನುನಕುಲು ಆಧಾರ ಸಂಖ್ಯೆ ಅಂಚೆನೆ ಬಯೋಮೆಟ್ರಿಕ್ ಕೊರ್ಪಿನ ನನ ಕಡ್ಡಾಯ. ಬೇರ, ವೈವಾಟದಕುಲು ಮಾತ್ರ ನನ ಮಸ್ತ್ ಸಿಮ್ ದೆತೊನೊಲಿ ಅವ್ ಅತ್ತಂದೆ ಒರಿ ತನ್ನ ಐಡಿ ಕಾರ್ಡ್ ಡ್ 9 ಸಿಮ್ ಮಾತ್ರ ದೆತೊನರೆ ಆಪಿನಿ.
ಸಿಮ್ ಕಾರ್ಡ್ ಒಂಜಿ ಗಲಸಿಜಿಡ ಅಪಗನೇ ಆ ನಂಬರ್‌ನ್ ಬೇತೆಕಲೆಗ್ ಕೊರ್ಪಿಲೆಕ್ಕ ಇಜ್ಜಿ. 90 ದಿನತ ಉಲಯಿ ಅವ್ವೇ ಜನಕ್ ಕುಡ ಆ ನಂಬರ್‌ನ್ ಆಕ್ಟಿನೇಟ್ ಮಲ್ಪೊಲಿ.
ಸಿಮ್ ಮಾರುನಕಲೆಗ್ ರಿಜಿಸ್ಟರ್ ಮಲ್ಪರೆ ನವೆಂಬರ್ 30 ಕಡೇತ ದಿನ, ಎಲ್ಲೆರ್ದ್ ಬೊಕ್ಕ ರಿಜಿಸ್ಟರ್ ಮಲ್ಪಂದೆ ಸಿಮ್ ಮಾರ್ಂಡ 10 ಲಕ್ಷ ದಂಡ ಬೂರುಂಡು.