Last updated on November 28th, 2023 at 08:25 am
ಪೊಸದೆಲ್ಲಿ : ಪಿಸಿರ್‌ಡ್ ಬೊಡೆದಿ ಒರ್ತಿ ಕಂಡನನ ಕೆಬಿ ಅಗ್ಗಿದಿನ ನಡಕೆ ರಾಜಧಾನಿ ದೆಲ್ಲಿದ ಸುಲ್ತಾನ್‌ಪುರಿಟ್ ನಡದ್ಂಡ್.
45 ವರ್ಸದ ಕಂಡನನ ಕೆಬಿ ಅಗ್ಗಿದಿನ ಬರಸ್‌ಗ್ ಬಲತ್ತ ಕೆಬಿ ತುಂಡಾತ್ಂಡ್. ಕಡೆಕ್ ಅಪರೇಶನ್ ಮಲ್ತ್ ಕೆಬಿ ಗೋಡ್ಯಾಯೆರ್. ಕೆಬಿ ಅಗ್ಗಿದಿನ ಬೊಡೆದಿನ ಮಿತ್ತ್ ಕಂಡನೆ ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರ್ತೆರ್. ನವೆಂಬರ್ 20ದಾನಿ ಈ ನಡಕೆ ನಡದ್ಂಡ್, ಕಂಡನೆ ಕಾಂಡೆ ಕಜವು ದಕ್ಕರೆ ಪಿದಯಿ ಪೋದಿತ್ತೆಗೆ, ಆ ಪೊರ್ತುಗು ಬೊಡೆದಿಡ ಅಡ್ತ್ ಒಚ್ಚರೆ ಪನ್ತೆಗೆ. ಆಯಿ ಪಿರ ಬತ್ತಿನೇ ಬೊಡೆದಿ ಲಡಯಿಗ್ ಉಂತಿಯೊಲುಗೆ. ಜೋಕುಲೆನೊಟ್ಟುಗು ಬೇತೆನೇ ಉಪ್ಪರೆ ಇಲ್ಲ್ ಮಾರ್ದ್ ಪಾಲ್ ಕೊರು ಪನ್ದ್ ಲಡಯಿ ಮಲ್ತೊಲುಗೆ. ಕಡೆಕ್ ಲಡಯಿ ಮಲ್ಲ ಆದ್ ಆಯೆ ಇಲ್ಲರ್ದ್ ಪಿದಯಿ ಪೋನಗ ಪಿರವುರ್ದ್ ಬತ್ತ್ ಆಯನ ಕೆಬಿನ್ ಅಗ್ಗಿದೊಲು ಪನ್ದ್ ಒಯಿಲ್‌ಡ್ ತೆರಿಪಾದೆರ್.