Last updated on December 4th, 2023 at 07:46 pm
ಮೈಸೂರು ದಸರೊಡು 8 ಸಲ ಅಂಬಾರಿ ದೆರ್ದಿನ 63 ವರ್ಸದ ಆನೆ ಅರ್ಜುನ ತೀರ್ಂಡ್.
ಹಾಸನ ಜಿಲ್ಲೆದ ಸಕಲೇಶಪುರ ತಾಲೂಕುದ ಯಲಸೂರ ಕೈತಲ್ ಕಾಡಾನೆ ಪತ್ತ್‌ದ್ ಅವೆನ್ ಸ್ಥಳಾಂತರ ಮಲ್ಪುನ ಬೇಲೆ ನಡತೊಂದಿತ್ತ್ಂಡ್. ಈ ಪೊರ್ತುಗು ಕಾಡಾನೆಗ್ ಮತಿ ತಪ್ಪಾವುನ ಇಂಜೆಕ್ಷನ್ ಕೊರ್ರೆ ಪೋನಗ ಅರ್ಜುನನ ಮಿತ್ತ್ ಒಂಟಿ ಸಲಗ ಅಟ್ಯಾಕ್ ಮಲ್ದ್ಂಡ್.
ಒಂಟಿ ಸಲಗ ಅಟ್ಯಾಕ್ ಮಲ್ಪುನಗ ಒರಿದಿನ ಮೂಜಿ ತಾಂಕನೆದ ಆನೆಲು ಬಲ್ದ, ಕಡೆಕ್ ಸಲಗದೊಟ್ಟುಗು ಅರ್ಜುನೆ ಒರಿಯೇ ಕೊಲಲೊಗು ಉಂತಿಯೆ. ಆನೆಲೆನ ಕೊಲಲ ಸುರು ಆಯಿನೇ ಅರ್ಜುನನ ಮಿತ್ತ್ ಇತ್ತಿನ ಮಾವುತೆಲಾ ಬಲ್ತೆ. ಕಡೆಕ್ ಈ ಪೆಟ್ಟ್ ಡ್ ಅರ್ಜುನೆ ತೀರಿಯೆ ಪನ್ದ್ ತೆರಿದ್ ಬೈದ್ಂಡ್. ಜಾಗೆಗ್ ಅರಣ್ಯದ ಅಧಿಕಾರಿಲು ಬತ್ತ್ ಪರಿಶೀಲನೆ ಮಲ್ತೊಂದುಲ್ಲೆರ್.
ಅರ್ಜುನೆ 1960ಡು ಪುಟ್ಟುದಿನಿ. ಅಜ್ಪ ವರ್ಸ ಕರಿನೇ ಅನೆಲೆಗ್ ಅಂಬಾರಿ ದೆರ್ಪುನೆಟ್ಟ್ ರಿಟೈರ್ಮೆಂಟ್ ಆಪಿನೆರ್ದಾವರ ಇಂಚೊಗು ಅರ್ಜುನೆ ಅಂಬಾರಿ ದೆರ್ತೊಂದಿತ್ತಿಜೆ.