Last updated on December 27th, 2023 at 08:55 pm
ಬೆಂಗಳೂರುದ ಮಾತಾ ಬೋರ್ಡುಲೆಡ್ ಕನ್ನಡ ಕಡ್ಡಾಯವಾದ್ ಉಪ್ಪೊಡು ಪನ್ದ್ ನಾರಾಯಣ ಗೌಡೆ ಅಂಚೆನೆ ಅರೆನ ಕರ್ನಾಟಕ ರಕ್ಷಣಾ ವೇದಿಕೆದಕುಲು ಬುದಾರ ಬೆಂಗಳೂರುದ ರೋಡುಗು ಜತ್ತ್ ದಾಂದಲೆ ಮಲ್ತೆರ್.
ಅಲ್ಪಲ್ಪ ಇಂಗ್ಲೀಷ್ ಬೋರ್ಡುಲೆನ್ ಅಂಚೆನೆ ಫ್ಲೆಕ್ಸ್‌ಲೆನ್ ಪರ್ತ್ ಪಾಡಿನಿ ಮಾತ್ರ ಅತ್ತಂದೆ ಕೆಲವು ಶೋರೂಮುದ ಬಾಕಿಲ್‌ಲೆನ್ಲಾ ಪುಡತ್ ಪಾಡ್ದೆರ್. ಅಲ್ಪಲ್ಪ ಕಲ್ಲ್ ದಕ್ಕ್‌ದ್ ಕೊದಂಟಿ ಪತೊಂದು ಕುಪ್ಪಿ ದರ್ತ್ ಸುಮಾರ್ ಅಂಗಡಿಲೆನ್ ಪೊಡಿ ಮಲ್ಪರೆ ತೂತೆರ್ ಪನ್ದ್ ತೆರಿದ್ ಬೈದ್ಂಡ್.
ಈ ಬಗೆಟ್ ಪರ ಬೊಕ್ಕ ವಿರೋದೊಡು ಬಾರೀ ಚರ್ಚೆಲು ಆವೊಂದುಂಡು. ಮಸ್ತ್ ಜನ ಕರವೇ ಮಲ್ತಿನವು ತಪ್ಪು ಪನ್ದ್ ಪನೊಂದು ಉಂದೆರ್ದ್ ಬೆಂಗಳೂರುದ ಪುದರ್ ಹಾಲ್ ಮಲ್ತೊಂದುಲ್ಲೆರ್ ಪನ್ದ್ ಪನೊಂದುಲ್ಲೆರ್. ಕೆಲವೆರ್ ಕರವೇ ಮಲ್ತಿನ ಸಮ, ಮಾತಾ ಬೋರ್ಡುಲೆಡ್ 60% ಕನ್ನಡ ಉಪ್ಪೊಡು ಪನ್ಪಿನ ಆದೇಶ ಉಂಡು ಪನ್ದ್ ಪನ್ತೆರ್. ಆಂಡ ಉಂದೆಕಾದ್ ಕಾನೂನು ಕೈಕ್ ದೆತೊನಿನ ಏತ್ ಸಮ ಪನ್ದ್ ಮಸ್ತ್ ಜನ ಪನೊಂದುಲ್ಲೆರ್. ಇಂಚಪ್ಪೊಗು ಸಿಎಂ ಕರ್ನಾಟಕೊಡು ಕನ್ನಡನೇ ಸಾರ್ವಭೌಮ ಮುಲ್ಪ ಪಿದಯಿರ್ದ್ ಬತ್ತಿನಕುಲು ಆವಡ್ ಬೇತೆ ಬಾಸೆದಕುಲು ಆವಡ್ ಕನ್ನಡ ಕಲ್ತ್ ಕನ್ನಡೊಗು ಮರ್ಯಾದೆ ಕೊರೊಡು ಪನ್ದ್ ಪನ್ತೆರ್. ಉಂದೆರ್ದ್ ಬೊಕ್ಕ ಇಂಚಿನ ದಾಂದಲೆ ನಡತಿನವು ಇತ್ತೆ ಮಲ್ಲ ಚರ್ಚೆಗ್ ನೆವನ ಆತ್ಂಡ್.