ಬಿಜೆಪಿರ್ದ್ ಪಿದಯಿ ಪಾಡಡ್, ಮಾತೆರ್ನ ಪಿತ್ತಲೆ ಪಿದಯಿ ಪಾಡುವೆ – ಯತ್ನಾಳ್

Last updated on December 26th, 2023 at 03:15 pm

ಸತ್ಯ ಪನ್ಂಡ ಮಾತೆರೆಗ್ ಪೋಡಿಗೆ ಆಪುಂಡು. ಕೋವಿಡ್‌ದಪಗ 40 ಸಾರ ಕೋಟಿ ಅವ್ಯವಹಾರ ನಡದ್ಂಡ್. ಯಾನ್ ಮೋದಿಗಾದ್ ಬೇಲೆ ಮಲ್ತೊಂದುಲ್ಲೆ, ಯಡಿಯೂರಪ್ಪಗ್ ಅತ್ತ್. ಅಂಚಾದ್ ಎಂಕ್ ನೋಟೀಸ್ ಕೊರ್ದು ಪಕ್ಷೊರ್ದು ಪಿದಯಿ ಪಾಡರೆ ತೂವಡ್. ಅಪಗ ಮೊಕಲೆನ ಮಾತೆರೆನ ರಂಗ್ ಪಿದಯಿ ಪಾಡುವೆ ಪನ್ದ್ ಬಿಜೆಪಿ ಶಾಸಕೆ ಬಸವನಗೌಡ ಪಾಟೀಲ್ ಯತ್ನಾಳ್ ಸವಾಲ್ ಪಾಡ್ದೆರ್.

ಪ್ರಧಾನ್ ಮೋದಿನ ಕಾಲೊಡು ಒಂಜಾಂಡಲಾ ಅವ್ಯವಹಾರ ತೂತರಾ? ಕಾಲಿ ಟೀಕೆ ಮಲ್ಪುನು ಅತ್ತಂದೆ ಮೋದಿ ಬ್ರಷ್ಟಾಚಾರ ಮಲ್ದೆರ್ ಪನ್ಪಿನ ತಾಕತ್ತ್ ಈ ದೇಶೊಡು ಏರೆಗ್ಲಾ ಇಜ್ಜಿ. ಅಂಚಾದ್ ಯಾನ್ ಮೋದಿಗಾದ್ ಬೇಲೆ ಮಲ್ಪುವೆ. ಕೋವಿಡ್‌ದ ಪೊರ್ತುಡು 40 ಸಾರ ಕೋಟಿ ಅವ್ಯವಹಾರ ಆತ್ಂಡ್. ಪ್ರತೀ ರೋಗಿಗ್ 8-10 ಲಕ್ಷ ಬಿಲ್ ಪಾಡ್ದೆರ್. ಸರಕಾರ ಒವ್ ಪಕ್ಷದ ಆಂಡ ದಾನೆ ಕಲ್ವೆರ್ ಕಲ್ವೆರೇ. 45 ರೂ ಮಾಸ್ಕ್ ಗ್ 485 ರೂ ಕರ್ಚಿ ಪಾಡ್ದೆರ್. ಬೆಂಗಳೂರುಡು 10000 ಬೆಡ್ ಮಲ್ದ ಪನ್ದ್ ಬಾಡಯಿ ದೆತೊನ್ದೆರ್. ಬಾಡಯಿ ಪನ್ತಿನ ಕಾಸ್ ಡ್ ಪೊಸ ಬೆಡ್ ದೆತೊನ್ದುಂಡ ರಡ್ಡ್ ರಡ್ಡ್ ಬೆಡ್ ಬೈದು. ಉಂದೆಟ್ ಏತ್ ಸಾರ ಕೋಟಿ ಮುಕ್ಕು ತಿನ್ತರ್ ಪನ್ದ್ ತನ್ನವೇ ಪಕ್ಷದ ಮಿತ್ತ್ ತೀವ್ರ ದಾಳಿ ಮಲ್ತೆರ್.