Last updated on December 16th, 2023 at 05:56 pm
ಬೆಳಗಾವಿಡ್ ಪೊಂಜೊವು ಒರ್ತಿನ್ ಉರ್ಬುಲಿ ಮಲ್ತ್ ಕುಂದೊಗು ಕಟ್ಟ್‌ದ್ ಪಾಡ್ದ್ ಪೆಟ್ಟ್ ಪಾಡಿನ ನಡಕೆನ್ ಖಂಡಿಸಾದ್ ರಾಜ್ಯ ಸರಕಾರದ ವಿರುದ್ದ ಬಿಜೆಪಿ ಪಿಸಿರ್ ಪಿದಯಿ ಪಾಡ್ಂಡ್. ಶುಕ್ರಾರ ಬೆಳಗಾವಿದ ಚೆನ್ನಮ್ಮ ವೃತ್ತೊಡು ನರಮಾನಿ ಸರಪೊಲಿ ಮಲ್ತ್ ಪ್ರತಿಭಟನೆ ಮಲ್ತ್ಂಡ್. ಡಿಸೆಂಬರ್ 16ಕ್ಕ್ ರಾಜ್ಯದೊರ್ಮೆ ಧರಣಿ ಮಲ್ಪುವ ಪನ್ದ್ ಘೋಷಣೆ ಮಲ್ದ್ಂಡ್.
ಬಿಜೆಪಿ ರಾಜ್ಯಾಧ್ಯಕ್ಷೆ ಬಿ.ವೈ ವಿಜಯೇಂದ್ರೆರ್ ಅಂಚೆನೆ ಬಿಜೆಪಿ ಪ್ರತಿಪಕ್ಷ ನಾಯಕೆ ಆರ್.ಅಶೋಕ್ ಮೇರ್ ಪ್ರತಿಭಟನೆಡ್ ಇತ್ತೆರ್. ಮುಖ್ಯಮಂತ್ರಿ ಸೇರ್ದ್ ಇಡೀ ಸರಕಾರನೇ ಬೆಳಗಾವಿಡ್ ಉಪ್ಪುನಗ ಈ ನಡಕೆ ನಡದಿನ ಖಂಡನೀಯ. ಈ ಕೃತ್ಯ ಇತ್ತೆ ದೇಶದೊರ್ಮೆ ಚರ್ಚೆಡ್ ಉಂಡು. ಆಂಡ ಸರಕಾರ ಉಂದೆನ್ ಸೀರಿಯಸ್ ಆದ್ ದೆತೊನಂದೆ ಮುದಲೆ ಕಣ್ಣ ನೀರ್ ಪಾಡೊಂದುಲ್ಲೆರ್ ಪನ್ದ್ ವಿಜಯೇಂದ್ರೆರ್ ಪನ್ಡೆರ್.