ಕುಡ್ಲ, ಒಡಿಪು, ಉತ್ತರ ಕನ್ನಡ ಜಿಲ್ಲೆಲೆನ್ ಗೋಡ್ಯಾದ್ ಪೊಸ ಕರಾವಳಿ ಅಭಿವೃದ್ದಿ ಮಂಡಳಿ ಮಲ್ಪರೆ ಮಸೂದೆ

Last updated on December 6th, 2023 at 07:33 am

ಉತ್ತರ ಕನ್ನಡ ಬೊಕ್ಕ ಕುಡ್ಲ ಜಿಲ್ಲೆದ ತಾಲೂಕುಲೆನ್ ಮಲೆನಾಡು ಅಭಿವೃದ್ದಿ ಮಂಡಳಿರ್ದ್ ಪಿದಯಿ ದೀದ್ ಪೊಸ ಕರಾವಳಿ ಅಭಿವೃದ್ದಿ ಮಂಡಳಿ ಉಂಡು ಮಲ್ಪುನ ಮಸೂದೆ ಬೆಳಗಾವಿ ವಿದಾನಮಂಡಲೊಡು ಕೋಡೆ ಮಂಡನೆ ಆಂಡ್. ಉತ್ತರ ಕನ್ನಡದ ತಾಲೂಕುಲು, ಕುಡ್ಲ ಜಿಲ್ಲೆದ ಅಂಚೆನೆ ಒಡಿಪು ಜಿಲ್ಲೆದ ತಾಲೂಕುಲು ಈ ಮಂಡಳಿದ ವ್ಯಾಪ್ತಿಡ್ ಉಪ್ಪುವ.

ಕರಾವಳಿ ಅಭಿವೃದ್ದಿ ಮಂಡಳಿದ ಕೇಂದ್ರ ಕಛೇರಿ ಕುಡ್ಲಡ್ ಉಪ್ಪುಂಡು. ಈ ಮಂಡಳಿಗ್ ಸದಸ್ಯೆರೆನ್ ಅಂಚೆನೆ ಅಧ್ಯಕ್ಷೆರೆನ್ ಸರಕಾರ ನೇಮಕ ಮಲ್ಪುಂಡು, ಮೊಕಲೆನ ಅಧಿಕಾವಧಿ 3 ವರ್ಸ ಆದುಂಡು.