ಇನಿರ್ದ್ ರಾಜ್ಯೊಡು ದಿನಾಲ ಐನ್ ಸಾರ ಕೋವಿಡ್ ಟೆಸ್ಟ್

Last updated on December 20th, 2023 at 09:21 am

ಕರಿನ ಒಂಜಿ ವರ್ಸೊಡು ಅಡೇಗೆ ಚಪ್ಪೆ ಆದಿತ್ತಿನ ಕೊರೊನಾ ಇತ್ತೆ ಕುಡ ಪಗರುನ ತೋಜೊಂದುಂಡು. ರಾಜ್ಯೊಡು ಕರಿನ 24 ಗಂಟೆಡ್ ಪರೀಕ್ಷೆ ಮಲ್ತಿನ 722 ಸ್ಯಾಂಪಲ್ ಡ್ 44 ಜನಕ್ ಸೋಂಕು ನಿಗಂಟ್ ಆತ್ಂಡ್.

ರಾಜ್ಯೊಡು ಇತ್ತೆ ಸೋಂಕುದಕಲೆನ ಅಂಕೆ 79 ಆತ್ಂಡ್. ಉಂದೆಟ್ 62 ಜನ ಹೋಮ್ ಐಸೋಲೇಶನ್ ಡ್ ಉಲ್ಲೆರ್. 6 ಜನ ಐಸಿಯುಡು ಉಲ್ಲೆರ್. ಸೀಕ್ ದ ತೀವ್ರತೆ ಕಮ್ಮಿ ಇತ್ತ್ಂಡಲಾ ಪರಡುನ ಪ್ರಮಾಣ ಜಾಸ್ತಿ ಉಂಡು ಪನ್ದ್ ಆರೋಗ್ಯ ತಜ್ಞೆರ್ ಪನ್ತೆರ್.

ಕೇರಳಡ್ ಕೊರೊನಾ ಉಪತಳಿತ ಉಪದ್ರೊಗು ನಾಲ್ ಜನ ತೀರಿನೆರ್ದಾವರ ರಾಜ್ಯ ಸರಕಾರ ದುಂಬೆಚ್ಚರ್ಗೆದ ಕ್ರಮ ದೆತೊನ್ದುಂಡು. ಬುದಾರೊರ್ದೇ ಕೋವಿಡ್ ಟೆಸ್ಟ್ ಜಾಸ್ತಿ ಮಲ್ಪುನ ಅಟ್ಟನೆಡ್ ಉಂಡು.