Last updated on December 24th, 2023 at 02:48 pm
ಹಿಂದೂ ಮಹಾಸಾಗರೊಡು ಬೇರದ ಪಡವುದ ಮಿತ್ತ್ ಡ್ರೋನ್ ದಾಳಿ ನಡದ್ಂಡ್, ಭಾರೀ ಸ್ಫೋಟದ ದುನಿಪು ಕೇನ್ದ್ ಬತ್ತಿನ ನಡಕೆ ನಡದ್ಂಡ್. ಈ ನಡಕೆಡ್ ಎರೆಗ್ಲಾ ದಾಲಾ ಆತಿಜಿ ಪನ್ದ್ ತೆರಿದ್ ಬೈದ್ಂಡ್.ಈ ಪಡವುಡು 20 ಭಾರತೀಯ ಸಿಬ್ಬಂದಿನಕುಲು ಇತ್ತೆರ್. ಈ ಪಡವುದಂಚಿ ಭಾರತೀಯ ಕರಾವಳಿ ಕಾಪು ಪಡೆತ ನೌಕೆ ಪೋತುಂಡು.
ಈ ದಾಳಿ ಪೋರ್‌ ಬಂದರ್ ಕಡಲಕರೆರ್ದ್ 217 ನಾಟಿಕಲ್ ಮೈಲ್ಸ್ ದೂರೊಡು ನಡತ್ಂಡ್. ಕುಡ್ಲದಂಚಿ ಬರೊಂದಿತ್ತಿನ ಬೇರದ ಕಪ್ಪಾಲ್ ದ ಮಿತ್ತ್ ಡ್ರೋನ್ ದಾಳಿ ನಡದ್ಂಡ್ ಪನ್ದ್ ಪನೊಂದುಲ್ಲೆರ್.
ಅಟ್ಯಾಕ್ ಆತಿನ ಪಡವುಗು ಸಾಯ ಮಲ್ಪರೆ ಕೋಸ್ಟ್ ಗಾರ್ಡ್ ನೌಕೆ ಆ ಜಾಗೆದಲ್ಪ ಇತ್ತಿನ ಮಾತಾ ಪಡವುಲೆಗ್ ತೆರಿಪಾದೆರ್. ಮೂಲೊಲೆನ ಪ್ರಕಾರ ಡ್ರೋನ್ ದಾಳಿರ್ದ್ ಪಡವುಡು ತೂ ತೋಜಿದ್ ಬೈದ್ಂಡ್. ತೂ ತೆಕ್ಕಾಂಡಲಾ ಪಡವುದ ಕಾರ್ಯನಿರ್ವಹಣೆಗ್ ಕುಂದೆಲ್ ಆತ್ಂಡ್.