ಕುಡ್ಲಡ್ ಕೊರೊನಾ ಪಾಸಿಟಿವ್ ಜನ ತೀರ್ಯೆರ್: ಆರೋಗ್ಯ ಸಚಿವೆರ್ ದಾದ ಪಂಡೆರ್?

Last updated on December 22nd, 2023 at 07:37 pm

ಕುಡ್ಲ: ಕುಡ್ಲಡ್ ಕೊರೊನಾ ಸೋಂಕಿತೆ ಒರಿ ತೀರ್ದೆರ್. ಕರ್ನಾಟಕೊಡು ಕೊರೋನಾಡ್ ತೀರಿನಕ್ಲೆನ ಸಂಖ್ಯೆ ರಡ್ಡೆಕ್ ಏರ್ಂಡ್. ದಮ್ಮುದ ಸಮಸ್ಯೆರ್ದಾವರ ಕುಡ್ಲದ ವೆನ್ಲಾಕ್ ಆಸ್ಪತ್ರೆಗ್ ದಾಕಲಾದಿತ್ತಿನ ಉತ್ತರ ಭಾರತ ಮೂಲೊದ‌ 40 ವರ್ಸೊದ ಆಂಜೊವು ತೀರ್ದೆರ್. 2 ದಿನೊಕು ದುಂಬು ಮೆರೆಗ್ ಕೊವಿಡ್ ಪಾಸಿಟಿವ್ ಬತ್ತಿತ್ತ್ಂಡ್. ಅಂಚಾದ್ ಆರೆಗ್ ವೆನ್ಲಾಕ್‌ದ ಐಸಿಯು ವಿಭಾಗೊಡು ಮರ್ದ್ ನಡತೊಂದಿತ್ತ್ಂಡ್. ಆಂಡ ಇನಿ(ಡಿಸೆಂಬರ್ 22) ಮರ್ದ್ ಪಲಿಪಂದೆ ತೀರ್ದೆರ್.

ಈ ಬಗೆಟ್ ಕುಡ್ಲಡ್ ಸುದ್ದಿಗಾರೆರೆಡ ಪಾತೆರ್ನ ಆರೋಗ್ಯ ಸಚಿವೆ ದಿನೇಶ್ ಗುಂಡೂರಾವ್, ವಲಸೆ ಕಾರ್ಮಿಕೆ ಆದ್ ಕುಡ್ಲಗ್ ಬತ್ತಿತ್ತಿನ ಜನ ಉಸಿರಾಟೊದ ತೊಂದರೆರ್ದಾವರ ವೆನ್ಲಾಕ್ ಆಸ್ಪತ್ರೆಗ್ ಸೇರ್ದಿತ್ತೆರ್. ಕೋವಿಡ್‌ರ್ದೇ ತೀರ್ದೆರಾ ಇಜ್ಜಾ ಪಂದ್ ಬೈದ್ಯೆರ್ ದೃಢ ಮನ್ಪೊಡಾತೆ ಪಂದ್ ಪಂಡೆರ್.