Last updated on December 8th, 2023 at 08:59 am
ರಾಜ್ಯ ಸರಕಾರ 2005ರ್ದ್ ಬಿನ್ನೆರ್ ಉಪನ್ಯಾಸಕೆರೆನ್ ನೇಮಕ ಮಲ್ತೊಂದಿತ್ತ್ಂಡಲಾ ಒವ್ವೇ ರೀತಿದ ಸೌಲಭ್ಯ ಆವಡ್ ಭದ್ರತೆ ಆವಡ್ ಕೊರಂದೆ ಅಕಲೆನ್ ತಿರ್ಸಂಕು ಪರಿಸ್ಥಿತಿಡ್ ದೀತ್ಂಡ್. ಕಾಂಗ್ರೇಸ್ ಪ್ರಣಾಳಿಕೆಡ್ ಕೊರ್ತಿನ ಭರವಸೆದ ಲೆಕ್ಕೊ ಬಿನ್ನೆರ್ ಉಪನ್ಯಾಸಕೆರೆನ್ ಖಾಯಂ ಮಲ್ತ್ ಪಿಎಫ್ ದಂಚಿನ ಪೂರಾ ಸೇವಾಭದ್ರತೆ ಕೊರೊಡು ಪನ್ದ್ ತುಳುನಾಡ್ ಬೊಕ್ಕ ಕೊಡವನಾಡ್ ಬಿನ್ನೆರ್ ಉಪನ್ಯಾಸಕೆರೆನ ಸಂಘದ ಗುರ್ಕಾರೆ ಮಾಧವ ಕೆ.ಬಿ ಪನ್ಡೆರ್.
ಇಂಚಿನ ಮಾತಾ ಬೇಡಿಕೆಲೆನ್ ಪತೊಂದು ಸರಕಾರಿ ಪ್ರಥಮ ದರ್ಜೆ ಕಾಲೇಜ್‌ಲೆನ ಬಿನ್ನೆರ್ ಉಪನ್ಯಾಸಕೆರ್, ರೀಜ್ಯ ಪದವಿ ಪೂರ್ವ ಕಾಲೇಜಿಲೆನ ಬಿನ್ನೆರ್ ಉಪನ್ಯಾಸಕೆರೆನ ಎಡ್ಡೆಪ್ಪು ರಕ್ಷಣಾ ಸಮಿತಿ ಗುರುವಾರ ಕುಡ್ಲದ ಕಾಲೇಜ್ ಶಿಕ್ಷಣ ಇಲಾಖೆದ ಒತ್ತು ನಿರ್ದೇಶಕೆರೆಗ್ ಒಲವು ಕೊರ್ದು ಬೊಕ್ಕ ನಡತಿನ ಜಾಥೊನು ಉದ್ದೇಶಿಸಾದ್ ಪಾತೆರಿಯೆರ್. ಉಪನ್ಯಾಸಕೆರೆಡ್ 70% ಜನ ಬಿನ್ನೆರ್ ಉಪನ್ಯಾಸಕೆರ್ ಉಲ್ಲೆರ್. ಕಾಲೇಜಿಲೆಡ್ ಕಾಲಿ ಪಾಟ ಮಾತ್ರ ಅತ್ತಂದೆ ಬೇತೆ ಬೇಲೆಲಾ ಮಲ್ಪುವೆರ್. ಇಂಚಿನಕಲೆನ್ ಖಾಯಂ ಮಲ್ಪರೆ ಸರಕಾರ ಕ್ರಮ ದೆತೊನೊಡು ಪನ್ದ್ ಆಗ್ರಹ ಇತ್ತ್ಂಡ್.