ಮಂಗಳಾದೇವಿ ದೇವಲ್ಯದ ರೋಡುಗು ಪುದರ್ ದೀವರೆ ರಾಜ್ಯ ಸರಕಾರ ಒತ್ತೊನ್ಂಡ್

Last updated on December 3rd, 2023 at 08:20 pm

ಕುಡ್ಲ : ಎಬಿ ಶೆಟ್ಟಿ ಸರ್ಕಲ್‌ರ್ದ್ ಪಾಂಡೇಶ್ವರ ಆದ್ ಮಾರ್ನೇಮಿಕಟ್ಟೆ ಸುರುತ ಸಂಕ ಮುಟ್ಟದ ರೋಡುಗು ಶ್ರೀ ಮಂಗಳಾದೇವಿ ದೇವಲ್ಯ ರೋಡು ಪನ್ದ್ ಪುದರ್ ದೀವರೆ ರಾಜ್ಯ ಸರಕಾರ ಒತ್ತೊನ್ಂದ್ಂಡ್.

ಡಿಸೆಂಬರ್ 2021ಟ್ಟ್ ಈ ಬಗೆಟ್ ಕುಡ್ಲ ನಗರ ಪಾಲಿಕೆಡ್ ನಿರ್ಣಯ ಆದ್, ಜನವರಿ 2022ಕ್ಕ್ ಸರಕಾರೊಗು ಕಡಪುಡ್ದಿತ್ತೆರ್. ಪ್ರೇಮಾನಂದ ಶೆಟ್ರ್ ಮೇಯರ್ ಆದಿಪ್ಪುನಗ ಪಾಸ್ ಆತಿನ ಈ ಇಸಯೊಗು ಇತ್ತೆ ರಾಜ್ಯ ಸರಕಾರದ ನಗರಾಭಿವೃದ್ದಿ ಇಲಾಖೆರ್ದ್ ಅನುಮತಿ ತಿಕ್ಕ್ಂಡ್. ನನ ಈ ರೋಡುಡು ಅಲ್ಪಲ್ಪ ಪೊಸ ಪುದರ್‌ದ ಪಲವೆ ಪಾಡುನ ಕಜ್ಜ ನಡಪುಂಡು.